ბიბლიოთეკის ცენტრალურ ოფისს აქვს ოთხი თანამედროვე ტექნიკითა და უახლესი საბიბლიოთეკო აქსესუარებით აღჭურვილი სამკითხველო დარბაზი.
სტუ-ს ნიკო მუსხელიშვილის საუნივერსიტეტო ბიბლიოთეკას (ფილიალებთან ერთად) შეუძლია სხვადასხვა სახისა და მიმართულების დარბაზებში ერთდროულად მოემსახუროს 600-მდე სტუდენტს.
სტუ-ს ნიკო მუსხელიშვილის საუნივერსიტეტო ბიბლიოთეკა გაერთიანებულია საქართველოს საბიბლიოთეკო ასოციაციაში, რაც საშუალებას აძლევს მკითხველებს ისარგებლონ სხვადასხვა საერთაშორისო მონაცემთა ბაზებით.
მკითხველს შეუძლია ისარგებლოს შემდეგი სახის კატალოგებით:
1. ანბანური (ქართული)
2. ანბანური (უცხოური)
3. დისერტაციების
4. ელექტრონული წიგნების
5. რარიტეტის
6. სალექციო სილაბუსებში მითითებული ლიტერატურის
7. ბიბლიოგრაფიული
8. სისტემატური
9. ტოპოგრაფიული
10. ჟურნალების
მკითხველს ასევე შეუძლია ისარგებლოს ბეჭდური საბიბლიოთეკო ერთეულების (წიგნების), დისერტაციებისა და ელექტრონული წიგნების საბიბლიოთეკო საძიებო ელექტრონული კატალოგით "KOHA".