Fwd: ჩანდიგარის უნივერსიტეტის საერთაშორისო აკადემიური პერსონალის გაცვლითი პროგრამა 2021

04/23/2021 ჩანდიგარის უნივერსიტეტის საერთაშორისო აკადემიური პერსონალის გაცვლითი პროგრამის შესახებ
https://gtu.ge/Suss/Programms/?ELEMENT_ID=16963


ჩანდიგარის უნივერსიტეტი (Chandigarh University - CU) (ინდოეთი) აცხადებს საერთაშორისო აკადემიური პერსონალის გაცვლით პროგრამას (International Faculty Exchange Program - IFEP).

სამუშაო ვიზიტის ხანგრძლივობა 1 კვირიდან 12 კვირამდეა.

  პროგრამის ვადები:
- 2021 წლის 23 აგვისტოდან 2021 წლის 30 ოქტომბრამდე 
- 2021 წლის 7 ნოემბრიდან 2021 წლის 30 ნოემბრამდე

აკადემიური პერსონალი აღნიშნული პერიოდის განმავლობაში ჩანდიგარის უნივერსიტეტის მხრიდან უზრუნველყოფილი იქნება ინდოეთში ტრანსპორტირებითა და საცხოვრებელით, თუმცა მიმღები უნივერსიტეტი არ უზრუნველყოფს თვითმფრინავის ბილეთებსა ან ნებისმიერი სახით ფულად გასამრჯელოს.

 პროგრამის ფარგლებში მიმღები უნივერსიტეტი უზრუნველყოფს:
• სასტუმროში განთავსებას
• ტრანსფერს აეროპორტიდან
• მასპინძლობას და კვებას (საუზმე, ლანჩი, სადილი)
• კულტურულ ექსკურსიას ქალაქის გარშემო

ჩანდიგარის უნივერსიტეტი, ასევე, სთავაზობს ერთობლივი კვლევების შესაძლებლობას ტექნიკური უნივერსიტეტის აკადემიურ პერსონალს (პროფესორებს, ასოცირებულ პროფესორებსა და ასისტენტ პროფესორებს), რომელთაც სურთ ინდოელ კოლეგებთან ერთად იმუშაონ რომელიმე საერთო კვლევით სფეროში.

განაცხადების წარდგენის ბოლო ვადაა 2021 წლის 30 აპრილი.

უნივერსიტეტის შესახებ დეტალური ინფორმაციისათვის იხილეთ ვებგვერდი.

  • Fwd: ამერიკისმცოდნეობის 22-ე ყოველწლიური საერთაშორისო კონფერენცია

ამერიკისმცოდნეობის 22-ე ყოველწლიური საერთაშორისო კონფერენცია
2021 წლის 20-22 მაისს ივანე ჯავახიშვილის სახელობის თბილისის სახელმწიფო უნივერსიტეტის ამერიკისმცოდნეობის ინსტიტუტი და ამერიკის შესწავლის საქართველოს ასოციაცია გამართავს ამერიკისმცოდნეობის 22-ე ყოველწლიურ საერთაშორისო კონფერენციას. 2021 წლის კონფერენცია ეძღვნება შეერთებული შტატების დამოუკიდებლობის დეკლარაციის მიღების 245-ე წლისთავს.

ამერიკისმცოდნეობის კონფერენციას ტრადიციულად მასპინძლობს ივანე ჯავახიშვილის სახელობის თბილისის სახელმწიფო უნივერსიტეტი.

თბილისის სახელმწიფო უნივერსიტეტის ამერიკისმცოდნეობის ინსტიტუტისა და ამერიკის შესწავლის საქართველოს ასოციაციის მიზანია, ამერიკისმცოდნეობის დისციპლინის ფარგლებში, მაქსიმალურად ფართო სპექტრის მოხსენებების თავმოყრა. თემატიკა, ტრადიციულად, ფართოა: ისტორია, პოლიტიკა, განათლება, რელიგია, არქიტექტურა, ლიტერატურა, ხელოვნება, ფილოსოფია, მასმედია, სამართალი, ეკონომიკა, სოციალური და ქალთა საკითხები, მეცნიერება და ტექნოლოგია და ა.შ საორგანიზაციო კომიტეტი მიესალმება მრავალფეროვანი თემატიკის მოხსენებებს.
კონფერენციის ფორმატი გულისხმობს სხვადასხვა დარგობრივ სექციაში მუშაობასა და სადისკუსიო გარემოს შექმნას. წელს კონფერენცია ჩატარდება ზუმის ფლატფორმის გამოყენებით.

თსუ ამერიკისმცოდნეობის ინსტიტუტი და ამერიკის შესწავლის საქართველოს ასოციაცია კონფერენციაზე წარმოდგენილ გამორჩეულ მოხსენებებს ბეჭდავს პერიოდულ გამოცემაში ,,ამერიკის შესწავლის საკითხები“.

კონფერენციაში მონაწილეობის მსურველებმა უნდა შეავსონ განაცხადის ფორმა ბმულზე: https://forms.gle/ghNbjPm8PNcCcLdS6

მნიშვნელოვანი თარიღები
განაცხადის წარდგენის ბოლო დღე: 2021 წლის 2 მაისი
კონფერენციის ჩატარების თარიღი: 2021 წლის 20-22 მაისი

იმ შემთხვევაში, თუკი მომხსენებელი ვერ ახერხებს კონფერენციაში მონაწილეობის მიღებას, მან ამის შესახებ საორგანიზაციო კომიტეტს უნდა აცნობოს არაუგვიანეს 2021 წლის 5 მაისისა, რათა შესაძლებელი იყოს კონფერენციის პროგრამაში ცვლილებების შეტანა.

დამატებითი ინფორმაციისათვის დაგვიკავშირდით: geoamstud.conference@gmail.com



 

სიახლეებში დაბრუნება