09/24/2019 გეოგრაფიული აღნიშვნების შესახებ საერთაშორისო კონფერენცია 


ღონისძიება გაიმართება 2019 წლის 24 სექტემბერს - სასტუმრო “რედისონ ბლუ ივერია”-ში. 
კონფერენციაში მონაწილეობა უნდა დაადასტუროთ 13 სექტემბრამდე.
საკონტაქტო პირი: საერთაშორისო ურთიერთობების და პროექტების მართვის განყოფილების მთავარი სპეციალისტი - ხათუნა ციმაკურიძე (ელ-ფოსტა: ktsimakuridze@sakpatenti.org.ge)   ტელ: +995 555585811. 

გაცნობებთ, რომ 2019 წლის, 24 სექტემბერს, ქ. თბილისში, სსიპ - საქართველოს ინტელექტუალური საკუთრების ეროვნული ცენტრის - ,,საქპატენტის“ და გეოგრაფიული აღნიშვნების გლობალური ალიანსის - ,,OriGIn” ორგანიზებით, იგეგმება ,,OriGIn”-ის გენერალური ასამბლეის სესიის გამართვა.

 

გეოგრაფიული აღნიშვნების გლობალური ალიანსი - ,,OriGIn” წარმოადგენს საერთაშორისო არასამთავრობო ორგანიზაციას, რომელშიც გაწევრიანებულია 40-ზე მეტი ქვეყნის (მათ შორის საქართველო) 500-მდე მეწარმეთა ასოციაცია და გეოგრაფიულ აღნიშვნებთან დაკავშირებული სხვადასხვა ორგანიზაციები. მისი ძირითადი ამოცანაა, ხელი შეუწყოს ახალი გეოგრაფიული აღნიშვნების  ფორმირებასა და მდგრად განვითარებას, დაეხმაროს  მწარმოებლებს  გეოგრაფიული აღნიშვნების დაცვასა და უფლებების აღსრულებაში როგორც ეროვნულ, ისე, საერთაშროსო დონეზე, განახორციელოს საგანმანათლებლო და პოპულარიზაციასთან დაკავშირებული ღონისძიებები.

 

საქართველო, როგორც გლობალური ალიანსის - ,,OriGIn” გენერალური ასამბლეის მასპინძელი ქვეყანა, სამ დღიანი ღონისძიების მსვლელობის განმავლობაში, იქცევა გეოგრაფიული აღნიშვნების მსოფლიო ცენტრად. ასამბლეას, დაესწრებიან ალიანსის წევრი ისეთი ცნობილი გეოგრაფიული აღნიშვნებით დაცული პროდუქტების მწარმოებლები, როგორიც არის, ,,ტეკილა“, ,,პროსეკო“, ,,ბავარიული ლუდი“, ,,ყველი პარმიჯანო რეჯანო“, ,,მოდენას ბალზამიკოს ძმარი“, ,,პარმას  ლორი“ და სხვ.).

 

ღონისძიებაში მონაწილეობას მიიღებენ ასევე, ინტელექტუალური საკუთრების მსოფლიო ორგანიზაციის (WIPO), ევროკავშირის ინტელექტუალური საკუთრების ოფისის (EUIPO), გაერთიანებული ერების სურსათისა და სოფლის მეურნეობის ორგანიზაციის (FAO), გაეროს ინდუსტრიული განვითარების ორგანიზაციის (UNIDO), სხვადასხვა ქვეყნების, მათ შორის შვეიცარიის ინტელექტუალური საკუთრების უწყების, იტალიის სოფლის მეურნეობის სამინისტროს, ასევე, საქართველოს სხვადასხვა სამთავრობო და კერძო სტრუქტურების წარმომადგენლები და სხვა დაინტერესებული პირები.

 

ასამბლეის  ფარგლებში, დაგეგმილია ასევე კონფერენციისა და გამოფენის გამართვა, რომელშიც გარდა ზემოთ მითითებული მსოფლიოში ცნობილი გეოგრაფიული აღნიშვნების მწარმოებლებისა, მონაწილეობას მიიღებენ ასევე, ქართული გეოგრაფიული აღნიშვნებით დაცული პროდუქტების მწარმოებლებიც.

 

აღნიშნული ღონისძიების ჩატარება ხელს შეუწყობს საქართველოში გეოგრაფიული აღნიშვნების სისტემის პოპულარიზაციას, ამ სფეროში ქართველ მეწარმეთა ცნობიერების ამაღლებას, უცხოელ მეწარმეებთან კონტაქტების დამყარებას და  მათთვის ქართული პროდუქციის გაცნობას.

 

ღონისძიება გაიმართება 2019 წლის 24 სექტემბერს - სასტუმრო “რედისონ ბლუ ივერია”-ში, თბილისი, საქართველო.

 

გთხოვთ, წარმოადგინოთ  კანდიდატურა და დაგვიდასტუროთ თქვენი მონაწილეობა  ა.წ.13 სექტემბრამდე.  საკონტაქტო პირი: საერთაშორისო ურთიერთობების და პროექტების მართვის განყოფილების მთავარი სპეციალისტი - ხათუნა ციმაკურიძე (ელ-ფოსტა: ktsimakuridze@sakpatenti.org.ge)   ტელ: +995 555585811. 

 

p.s.

ამასთან, გაცნობებთ, რომ დღის წესრიგით გათვალისწინებული საკითხები განიხილება პარალელური სესიების ფარგლებში, შესაბამისად თქვენი დაინტერესების მიხედვით, გთხოვთ გაიაროთ რეგისტრაცია შესაბამის სესიაზე შემდეგი ბმულის მეშვეობით:

 

აქვე გაცნობებთ, რომ საერთაშორისო კონფერენციაზე დღის წესრიგით გათვალისწინებული საკითხები განიხილება პარალელური სესიების ფარგლებში. შესაბამისად თქვენი დაინტერესების მიხედვით, გთხოვთ გაიაროთ რეგისტრაცია შესაბამის სესიაზე შემდეგი ბმულის მეშვეობით:

 

https://www.origin-gi.com/origin-biannual-meeting/origin-biannual-meeting/individual-registration.html

 

 

გთხოვთ ა.წ. 13 სექტემბრამდე, ინსტრუქციის მიხედვით დარეგისტრირდეთ კონფერენციაზე (24 სექტემბერი) და მონიშნოთ გრაფა - member!

 

ქართველი მონაწილეეებისთვის რეგისტრაცია  და კონფერენციაზე დასწრება არის უფასო. 

 

 

დანართი:        დღის წესრიგი

                        ელ-რეგისტრაციის ინსტრუქცია

 

სიახლეებში დაბრუნება