საქართველოს ტექნიკურ უნივერსიტეტის სატრანპორტო სისტემებისა და მექანიკის ინჟინერიის და ინფორმატიკისა და მართვის სისტემების ფაკულტეტების სტუდენტები, კარიერული განვითარების მიზნით, შემოსავლების სამსახურის საბაჟო დეპარტამენტის სპეციალური ტექნიკის სამმართველოში სტაჟირებას გაივლიან. შეთავაზების თაობაზე ინფორმაცია სტუდენტებს უნივერსიტეტში გამართულ ინტერაქციურ შეხვედრაზე საბაჟო დეპარტამენტის წარმომადგენლებმა მიაწოდეს.

შეხვედრაში მონაწილეობდნენ უნივერსიტეტის სასწავლო პროცესების მართვის დეპარტამენტის ხელმძღვანელი, პროფესორი თამარ წერეთელი, სატრანპორტო სისტემებისა და მექანიკის ინჟინერიის ფაკულტეტის დეკანი, პროფესორი ოთარ გელაშვილი, ინფორმატიკისა და მართვის სიტემების ფაკულტეტის დეკანის მოადგილე, პროფესორი ნონა ოთხოზორია, სასწავლო პროცესების მართვის დეპარტამენტის კარიერული განვითარების განყოფილების თანამშრომლები და პროფესორ-მასწავლებლები.

სამსონ ქარსელაძის განცხადებით, შემოსავლების სამსახურის პრიორიტეტი ახალგაზრდა კვალიფიციური კადრების მოზიდვაა. ამ მიზნით, უწყება მოტივირებულ ახალგაზრდებს სტაჟირების პროგრამას სთავაზობს. სტაჟირების წარმატებით დასრულების შემთხვევაში, სტაჟორს შემოსავლების სამსახურის საბაჟო დეპარტამენტის სპეციალური ტექნიკის სამმართველოში და

როგორც საქართველოს ტექნიკური უნივერსიტეტის სასწავლო პროცესების მართვის დეპარტამენტის ხელმძღვანელმა, პროფესორმა თამარ წერეთელმა აღნიშნა, უნივერსიტეტი აქტიურად აგრძელებს დამსაქმებელ ორგანიზაციებთან თანამშრომლობას და ამით ხელს უწყობს სტუდენტების კარიერულ განვითარებასა და მათ სამომავლო დასაქმებას. თამარ წერეთლის განცხადებით, ახალგაზრდებისთვის შექმნილია საუნივერსიტეტო ფუნქციური პლატფორმა ინტერაქციური კომუნიკაციის შესაძლებლობით, რაც დაინტერესებულ დამსაქმებელსაც უმარტივებს ახალგაზრდა კვალიფიციური კადრების მოძიების პროცესს.
შეხვედრის დასასრულს, შემოსავლების სამსახურის საბაჟო დეპარტამენტის სპეციალური ტექნიკის სამმართველოში სტაჟირების გავლის სურვილი საქართველოს ტექნიკური უნივერსიტეტის არაერთმა სტუდენტმა გამოთქვა.

სიახლეებში დაბრუნება