კრაუდსორსინგის კლინიკა მუშაობას შეუდგა

2018 წლის 1 ივლისს, საჯარო მმართველობის პრობლემათა ინსტიტუტის ინიციატივით, მუშაობა დაიწყო კრაუდსორსინგის (Crowdsoursing) კლინიკამ, რომლის მიზანია საზოგადოებრივად მნიშვნელოვანი პრობლემების გადასაწყვეტად საჯარო მმართველობის სტუდენტებსა და სახელმწიფო დაწესებულებების წარმომადგენლებს შორის პრაქტიკული კონსულტირება;
კრაუდსორსინგის კლინიკის ფარგლებში საქართველოს ტექნიკური უნივერსიტეტის ბიზნეს-ტექნოლოგიების ფაკულტეტის პროგრამის საჯარო მმართველობის I, II, III, IV კურსის სტუდენტებმა, საქართველოს ინტელექტუალური საკუთრების ეროვნული ცენტრის - ,,საქპატენტი“ს თავმდომარესთან ნიკოლოზ გოგილიძესა და არაორგანული ქიმიისა და ელექტროქიმიის ინსტიტუტის დირექტორ გრიგოლ ტატიშვილთან ერთად იმსჯელეს კერძო და საჯარო სექტორის პარტნიორობის წარმატებულ მაგალითზე, რომელიც ელექტროქიმიის ინსტიტუტსა და ამერიკულ ფირმას შორის განხორციელდა საქპატენტის მიერ შეთავაზებული მოდელის მიხედვით.
გაიმართა კონსულტაციები სამეცნიერო–ინოვაციურ კვლევების სფეროში პრიორიტეტული მიმართულებების გამოკვეთის თაობაზე, რომლის დაფინანსებით სახელმწიფომ შესაძლებელია ეკონომიკურ წარმატებას მიაღწიოს. სტუდენტებმა ამ მიმართულებით სექტემბრის ბოლომდე საკუთარი პროექტების წარმოადგინა დააანონსეს, რომლის შემდეგ კონსულტაციათა ახალი რაუნდი იგეგმება.
კლინიკის მეორე ნაწილი მიეძღვნა კითხვებს: რა პრობლემები აქვს ქართულ კინოწარმოებას? რას აკეთებს სახელმწიფო ეროვნული კინემატოგრაფიის განვითარების და წახალისებისთვის?
ახალგაზრდა ქართველმა რეჟისორებმა: ბაქარ ჩერქეზიშვილმა, გიორგი სულთანიშვილმა სტუდენტებთან ერთად დასვეს საკითხი კინოცენტრის, როგორც მართვის სტრუქტურის ეფეტურობასთან დაკავშირებით. განიხილეს ინტელექტუალური საკუთრების სფეროში არსებული პრობლემები და გამართეს კონსულტაციები სახელმწიფოს მხარდაჭერის პრიორიტეტად დოკუმენტური ფილმების გამოცხადების თაობაზე.
პროექტში წარმატებით მონაწილე სტუდენტებს კლინიკაში ორწლიანი მუშაობის შემედეგ გადაეცემათ სპეციალური სერტიფიკატი.
შეხვედრა მიმდინარეობდა არაფორმალურ გარემოში დიალოგისა და კონსულტაციების რეჟიმში.