English |
Русский |
დეპარტამენტები
ძებნა |
საიტის რუკა |
კონტაქტი
მომავალ საჯარო მოხელეთა ასოციაციის პროექტი "გაიცანი სახელმწიფო სტრუქტურები" გრძელდება !
პროექტის „გაიცანი სახელმწიფო სტრუქტურები“-ს ფარგლებში სახელმწიფო აუდიტის სამსახურს საქართველოს ტექნიკური უნივერსიტეტის და სხვა უმაღლესი სასწავლებლების სტუდენტები სტუმრობდნენ.
სტუდენტები გენერალურ აუდიტორს ირაკლი მექვაბიშვილს და სახელმწიფო აუდიტის სამსახურის წარმომადგენლებს შეხვდნენ. სტუდენტებმა უშუალოდ მათგან მოისმინეს აუდიტის სამსახურის მუშაობის სპეციფიკის, ფუნქციებისა და სტრატეგიის შესახებ ინფორმაცია. ეფექტიანობის აუდიტის დეპარტამენტის უფროსმა ირაკლი წიწილაშვილმა სტუდენტებს სახელმწიფო აუდიტის სამსახურის მუშაობის შესახებ პრეზენტაცია წარუდგინა.
შეხვედრა ინტერაქტიულ რეჟიმში წარიმართა. ტექნიკური უნივერსიტეტის და სხვა უმაღლესი სასწავლებლების საჯარო მმართველობის, სამართლის, საერთაშორისო ურთიერთობებისა და ეკონომიკის მიმართულების სტუდენტებისათვის საინტერესო იყო ბიუჯეტის მონიტორინგის, აუდიტის სახეობებისა და აუდიტორული საქმიანობის სხვადასხვა მიმართულებების გაცნობა.
აღსანიშნავია, რომ პროექტი საქართველოს ტექნიკური უნივერსიტეტის ბიზნესტექნოლოგიების ფაკულტეტის სტუდენტების იდეის ფარგლებში ხორციელდება .
პროექტი - "გაიცანი სახელმწიფო სტრუქტურები", სტუდენტებში სახელმწიფო ორგანოებისადმი ინტერესის გაღრმავებას ისახავს მიზნად .
შემდეგი შეხვედრა საქართველოს პარლამენტის საპროცედურო საკითხთა კომიტეტის თავმჯდომარესთან, ბ-ნ გიორგი კახიანთან გაიმართება - შემოგვიერთდით !