2018 წლის 18-19 მაისს აკაკი წერეთლის სახელმწიფო უნივერსიტეტში გაიმართა სტუდენტთა პირველი საერთაშორისო სამეცნიერო-პრაქტიკული კონფერენცია "ბიზნესის განვითარების ეკონომიკური, სოციალური და სამართლებრივი პრობლემების რეგიონული ასპექტები". აღნიშნულ ღონისძიებაზე მონაწილეობას ღებულობდნენ სხვადასხვა უნივერსიტეტების სტუდენტები, მათ შორის საქართველოს ტექნიკური უნივერსიტეტის ბიზნესტექნოლოგიების ფაკულტეტის მეოთხე კურსის სტუდენტები: ჯემმა სააკიანი, მეგი ქათამაძე, გვანცა ხიბლაშვილი, რუიზან ბესიაშვილი, გოგა გელიტაშვილი.
კონფერენცია მისასალმებელი სიტყვით გახსნა აკაკი წერეთლის სახელმწიფო უნივერსიტეტის რექტორმა გიორგი ღავთაძემ. კონფერენციას წარმატებული საქმიანობა უსურვა, რომელიც 3 სექციაში უნდა წარმართულიყო – „ბიზნესგარემოს განვითარების რეგიონული თავისებურებები“, „რეგიონული განვითარების სოციალურ–ეკონომიკური პრობლემები“ და „სამართლგანვითარების რეგიონული ასპექტები“.
კონფერენციის მეორე დღე წარიმართა კურორტ საირმეში, სადაც მოხსენებები იგივე ასპექტში გაგრძელდა დარჩენილი სტუდენტების მიერ,რომელიც საკმაოდ საინტერესო და ნაყოფიერი იყო.
კონფერენცია შეაჯამა აწსუ-ს ბიზნესის, სამართლისა და სოც. მეცნიერებათა ფაკულტეტის ხარისხის სამსახურის უფროსმა ქ-ნმა ნანა შონიამ, რომელმაც დადებითად შეაფასა კონფერენციის სამუშაო პროცესში გაჟღერებული რეკომენდაციები და მადლობა გადაუხადა მოწვეულ სტუმრებს კონფერენციაში აქტიური მონაწილეობისთვის, ასევე გამოყოფილი იყო სამი საპრიზო ადგილი საინტერესო ნაშრომებისათვის, რომლიდანაც ერთ-ერთი წილად ხვდა ბიზნესტექნოლოგიების ფაკულტეტის სტუდენტებს, როგორც აქტიური და საინტერესო თემების წარდგენისათვის.
რაც შეეხება დასასრულს დაგვირგვინდა პიკნიკით, რომელიც სავსე იყო დიდი ემოციითა და ენთუზიაზმით. ეს ყველაფერი არის დასაწყისი და საწინდარი უნივერსიტეტებს შორის არსებული ურთიერთობების გაღრმავებისა და მომავალში აქტიური თანამშრომლობის.