„ღამე ნიკალას მუზეუმში“

საქართველოს ტექნიკური უნივერსიტეტის „საჯარო მმართველობის“ პროგრამის სტუდენტებმა 19 მაისს, მონაწილეობა მიიღეს საქართველოს კულტურული მემკვიდრეობის დაცვის სააგენტოს ინიციატივით მირზაანში, თვითნასწავლი მხატვრის - ნიკო ფიროსმანაშვილის გარდაცვალებიდან 100 წლისთავთან დაკავშირებით, სტუდენტური კვირეულის ფარგლებში გამართულ კულტურულ აქციაზე - „ღამე მუზეუმში“.
სტუ-ს სტუდენტები ამ ღონისძიებაზე საკუთარი პროგრამით წარსდგნენ:
1. მირზაანში ხელოვნების საერთასორისო ცენტრის დაარსების შესახებ სტუდენტური დეკლარაციის ხელმოწერა;
2. სტუდენტთა ნახატების გამოფენა;
3. შეხვედრები მოსახლეობასთან და ნომინაციები.
სტუ-ს საჯარო მმართველობის სტუდენტთა მიერ მომზადებულ დეკლარაციას შემოურთდენენ ქუთაისის აკაკი წერეთლის უნივერსიტეტისა და თელავის უნივერსიტეტის სტუდენტები. ესტაფეტა გადაიბარა ბათუმის შოთა რუსთაველის უნივერსიტეტმა.
მოეწყო თვითნასწავლ მხატვართა გამოფენა. გამოვლინდა ორი ნომინაციის გამარჯვებული „სტუდენტთა რჩეული“, „ნიკალას კვალდაკვალ“; მუზეუმის დირექციას კულტურული მემკვიდრეობის შენახვისა და რუდუნებით მოვლისათვის სტუდენტებმა საჯარო მმართველობის პრობლემათა კვლევების ინსსტიტუტის მიერ დაწესებული სპეციალური ჯილდო გადასცეს.
ადგილობრივ მოსახლეობასთან და სკოლის მოსწავლეებთან შეხვედრის მიზანს კულტურული მემკვიდრეობის დაცვისა და ადგილობრივ პრობლემებზე ინფორმაციის ურთიერთგაცვლა წარმოადგენდა.
ღონისძიებაზე საჯარო მმართველობის პროგრამის სტუდენტთა სტუმარი იყო პროფესორი ელიკო ლამიხი (გერმანია, მაქს-პლანკის ინსტიტუტი), რომელიც სტუდენტებს არაფორმალურ გარემოში საქართველო-გერმანიის ურთიერთობებზე ესაუბრა და მხარი დაუჭირა მათ ინიციატივას დაიწყოს დიალოგი იუნესკოს (UNESCO) ეგიდით მხატვრის მშობლიურ სოფელში- მირზაანში ხელოვნების საერთაშორისო ცენტრის დაარსების თაობაზე.
ღონისძიების დასასრულს სტუდენტებმა ადგილობრივ სკოლის მოსწავლეებთან ერთად ნიკალას სახელის უკვდავსაყოფად ფრანები და წითელი ბუშტები გაუშვეს ცაში.