English |
Русский |
დეპარტამენტები
ძებნა |
საიტის რუკა |
კონტაქტი
მივლინების ანგარიში
საქართველოს ტექნიკური უნივერსიტეტის ბიზნესტექნოლოგიების ფაკულტეტის პროფესორები მრავალ საერთაშორისო სამეცნიერო ღონისძიებაში ღებულობენ მონაწილეობას. ერთერთი ასეთს წარმოადგენს უკრაინის უძველეს ქალაქში, პოლტავაში, ჩატარებული საერთაშორისო სამეცნიერო-პრაქტიკული კონფერენცია თემაზე „სახელმწიფოს ეკონომიკური განვითარება და სოციალური სტაბილობა“, რომელშიც სტუ ასოცირებულმა პროფესორმა, მაია ჩეჩელაშვილმა მიიღო მონაწილეობა მიმდინარე წლის მაისში. იგი მიწვეულ იქნა პოლტავის იური კონდრატიუკის სახელობის სახელმწიფო ტექნიკური უნივერსიტეტის მიერ როგორც კონფერენციის მონაწილე და ერთერთი სექციის ხელმძღვანელი. მაია ჩეჩელაშვილის მოხსენების თემა იყო „მენტალიტეტის თავისებურებათა ზეგავლენა მენეჯმენტზე“.
ვიზიტის ფარგლებში მ. ჩეჩელაშვილმა პოლტავის ტექნიკური უნივერსიტეტის სტუდენტებს 16 მაისს ჩაუტარა საჯარო ლექცია თემაზე „ფულის ისტორია“, და უნივერსიტეტის პროფესორ-მასწავლებლებს გაუზიარა სასწავლო გეგმების შედგენის ქართული გამოცდილება. 17 მაისს უნივერსიტეტის ეკონომიკური პრობლემების კვლევითი ინსტიტუტის თანამშრომლებს „ქართული მენტალიტეტის თავისებურებების გავლენა ეკონომიკისა და მართვის ნაციონალური სტილის ჩემოყალიბებაზე“.
სტუ ასოცირებულ პროფესორს, მაია ჩეჩელაშვილს პოლტავის იური კონდრატიუკის სახელობის სახელმწიფო ტექნიკური უნივერსიტეტის რექტორატისა და კვლევითი ინსტიტუტის დირექტორატის მიერ ნაყოფიერი თანამშრომლობისათვის გადაეცა მადლობის წერილები.