2018 წლის 20 აპრილს საქართველოს ტექნიკური უნივერსიტეტის ბიზნესტექნოლოგიების ფაკულტეტს გაცნობითი ხასიათის ვიზიტით ეწვია ჩეხეთის ტექნიკური უნივერსიტეტის საერთაშორისო ურთიერთობების მენეჯერი მილოშ კრეშჩი.
შეხვედრას ესწრებოდნენ ფაკულტეტის დეკანი - რუსუდან ქუთათელაძე, ხარისხის უზრუნველყოფის სამსახურის ხელმძღვანელი - ნინო ჩიკვილაძე, პროფესორები - თათია ღურწკაია და ირინა იაშვილი.
შეხვედრაზე ისაუბრეს მომავალ თანამშრომლობაზე, ბაკალავრიატის და მაგისტრატურის სტუდენტთა გაცვლით პროგრამებზე, საზაფხულო სკოლაზე და სხვა ერთობლივ პროექტებზე.