03/23/2018
საჯარო მმართველობის პრობლემათა კვლევების ინსტიტუტის
თემატური სემინარი
2018 წლის 21 მარტს 15:00 საათზე საჯარო მმართველობის პრობლემათა კვლევის ინსტიტუტის კომპლექსური კვლევითი პროგრამის ფარგლებში რიგით მეორე სემინარი გაიმართა.
სემინარზე მოსმენილი იქნა ბიზნესტექნოლოგიების ფაკულტეტის საჯარო მმართველობის პროგრამის დოქტორანტის ეკატერინა ზაქარაძის საკვალიფიკაციო ნაშრომის - „კავკასიის რეგიონის ფუნქცია და აბრეშუმის გზის როლი საქართველოს სოციალურ-ეკონომიკურ განვითარებაში“ კვლევის შედეგები.
მონაწილეობდნენ: საქართველოს რეგიონული განვითარებისა და ინფრასტრუქტურის სამინისტროს, ნავთობისა და გაზის სახელმწიფო სააგენტოს და “ანაკლია სითის“ წარმომადგენელები; ევროკავშირის წარმომადგენელი საქართველოში კვლევებისა და ინოვაციების ხელშეწყობის სფეროში, პროფესორები ბათუმის ნავიგაციის სასწავლო, თბილისის სახელმწიფო და საქართველოს ტექნიკური უნივერსიტეტების პროფესორები, ლოგისტიკისა და ტრანსპორტის სფეროს ექსპერტები, ბიზნეს სექტორის წარმომადგენლები.
სემინარზე განხილულ იქნა
1. ერთიანი სატრანზიტო ტარიფების საჯარო მართვის მატრიცა;
2. „სქაი ვეის“ ტექნოლოგიის მართვის ეფექტურობის გათვლა ანაკლიის პორტის მაგალითზე.
მონაწილეებმა იმსჯელეს ერთიანი სატრანზიტო ტარიფების ინდექსებსა და კონკურენტუნარიანობის დათვლის მეთოდიკაზე, აგრეთვე ახალი სატრანსპორტო ტექნოლოგიის „სქაი-ვეის“ დანერგვის შესაძლებლობებზე.
„ანაკლია სითის“აღმასრულებელი დირექტორის მოადგილემ სალომე კელენჯერიძემ სემინარის მონაწილეებს გააცნო ღრმაწყლოვანი პორტის განვითარების გეგმა და მხარი დაუჭირა ეკატერინა ზაქარაძის მიერ წარდგენილი ახალი ტექნოლოგიის მიზანშეწონილობის დასაბუთებას.
საინფორმაციო და საკომუნიკაციო ტექნოლოგიებში ICARTI-ის აღმასრულებელმა დირექტორმა, ევროკომისიის საკონტაქტო პირმა საქართველოში ბატონმა გივი ქოჩორაძემ დოქტორანტი მიიწვია ინტეგრირებულ, მულტიმოდალურ სატრანსპორტო სისტემებისა და ლოგისტიკის მიმართულებით ევროკავშირის პროგრამის ფარგლებში კვლევების საწარმოებლად.