მიმდინარე წლის 15 მარტს, საქართველოს ტექნიკური უნივერსიტეტის ბიზნესტექნოლოგიების ფაკულტეტზე, ფაკულტეტის ადმინისტრაციის და უნივერსიტეტის დაცვისა და უსაფრთხოების სამსახურის ხელშეწყობით, ჩატარდა სახანძრო უსაფრთხოების და საევაკუაციო ინსტრუქტაჟის გაცნობითი ტრეინინგი.
ზემოთ აღნიშნული ტრეინინგი ჩაატარა ქ. თბილისის საგანგებო სიტუაციების მართის სააგენტოს, ზედამხედველობის განყოფილების ინსპექტორმა - ირაკლი ჯანგებაშვილმა.
შეხვედრას ესწრებოდნენ, როგორც ბიზნესტექნოლოგიების ფაკულტეტის დამხმარე და აკადემიური პერსონალი, ასევე სტუდენტებიც. შეხვედრას ესწრებოდა დაცვისა და უსაფრთხოების განყოფილების უფროსის კონსულტანტი სახანძრო უსაფრთხოების საკითხებში არჩილ კულდონაშვილი და სასწავლო კორპუსის დაცვისა და უსაფრთხოების თანამშრომლები.
შეხვედრა ჩატარდა საქმიან და საინტერესო ატმოსფეროში, დაისვა შეკითხვები ტრეინინგით გათვალისწინებულ თემებთან დაკავშირებით, რომელსაც გაეცა კომპეტენტური და ამომწურავი პასუხები.
აღნიშნული ტრეინინგი სპეციალისტების მონაწილეობით ჩატარდება მომავალშიც, რათა ამაღლდეს თანამშრომელთა და სტუდენტთა ცნობიერება სახანძრო უსაფრთხოების საკითხებში.