რომის ,,ლა საპიენცას“ უნივერსიტეტში მივლინების ანგარიში

მიმდინარე წლის 20-22 თებერვალს ბიზნესტექნოლოგიების ფაკულტეტის ასოცირებული პროფესორი რუსუდან ქინქლაძე თსუ ეკონომიკისა და ბიზნესის ფაკულტეტის აკადემიური პერსონალის 3 წარმომადგენელათ – პროფესორ სიმონ გელაშვილთან, ასოცირებულ პროფესორებთან ნინო ფარესაშვილსა და ნინო აბესაძესთან ერთად, პერსონალურად იყო მიწვეული და მონაწილეობა მიიღო რომის ,,ლა საპიენცას“ უნივერსიტეტში გამართულ საერთაშორისო სემინარში ,,პოსტსაბჭოთა სივრცის გეოპოლიტიკური ადგილი“. აღნიშნულ სემინარზე მათ მიერ წაკითხული იქნა მოხსენებები სხვადასხვა თემებზე: აღსანიშნავია, რომ სემინარი ჩატარდა მსოფლიოში ცნობილი სტატისტიკოსის, რომის ,,ლა საპიენცას“ უნივერსიტეტის სტატისტიკურ მეცნიერებათა ფაკულტეტის პირველი დეკანის, პროფესორ კორადო ჯინის სახელობის აუდიტორიაში.
21 თებერვალს გაიმართა საქმიანი მოლაპარაკება, რომელშიც იტალიის მხრიდან მონაწილეობდნენ: რომის ,,ლა საპიენცას“ უნივერსიტეტის რექტორის წარმომადგენელი ევროპისა და აზიის მიმართულებით, პროფესორი ფაბიო გრასი, ასევე იმავე უნივერსიტეტის პროფესორები რობერტო ვალე და უმბერტო ლონგო.
22 თებერვალს კი გაიმართა საქმიანი შეხვედრა საერთაშორისოდ აღიარებულ მეცნიერთან, რომის ,,ლა საპიენცას“ უნივერსიტეტის ყოფილ პრორექტორთან და ამჟამად მაგისტრატურისა და დოქტორანტურის სამსახურის დირექტორთან, პროფ. ფალკო ლანჩესტერთან.
შეხვედრებმა მეტად ნაყოფიერად ჩაიარა და იტალიელმა კოლეგებმა დიდი სურვილი გამოთქვეს ჩვენთან თანამშრომლობაზე სხვადასხვა მიმართულებით: ერთობლივი კვლევითი პროექტების განხორციელება; პროფესორების ურთიერთგაცვლა ლექციებისა და მოხსენებების წასაკითხად; ერთობლივი სამეცნიერო კონფერენციებისა და სემინარების ჩატარება (მონაცვლეობით, საქართველოსა და იტალიაში); ერთობლივი სამეცნიერო კრებულების მომზადება და გამოცემა საქართველოში და/ან იტალიაში.
ჩვენი საქმიანი შეხვედრების შემდეგ იტალიელმა კოლეგებმა განაცხადეს, რომ მონაწილეობას მიიღებენ მიმდინარე წლის 25-26 მაისს ბიზნესტექნოლოგიების ფაკულტეტზე დაგეგმილ საერთაშორისო სამეცნიერო კონფერენციაში.
ყველა ღონისძიებაზე თარჯიმნობას იტალიურ ენაზე უანგაროდ გვიწევდა ჩვენი თანამემამულე, საქართველოს საბაკალავრო პროგრამის კურსდამთავრებყლი, ,,ლა საპიენცას“ უნივერსიტეტის დოქტორი ნინო თელია, რისთვისაც დიდი მადლობა მას.