ფაკულტეტის საბჭოს სხდომა

2018 წლის 9 მარტს ჩატარდა ფაკულტეტის საბჭოს სხდომა. დეკანმა, რ. ქუთათელაძემ საბჭოს წევრებს გააცნო საქართველოს ტექნიკური უნივერსიტეტის 2018 წლის 11 იანვრის #01 ბრძანება 2017-2018 წლის მეორე სასწავლო სემესტრის განრიგის შესახებ და ბრძანების მე-10 პარაგრაფის მიხედვით ითხოვა უწყისების დროულად ჩაბარება დეპარტამენტში.
დეკანმა საბჭოს წევრებს კიდევ ერთხელ შეახსენა ფაკულტეტზე მიმდინარე სამეცნიერო-კვლევითი პროექტები და მასში მონაწილე პროფესორების და სტუდენტების შემადგენლობა. ამასთან თხოვა ყველას დაიწყონ მზადება მომავალი წლის პროექტების მოსამზადებლად.
ასევე, დეკანმა დააყენა საკითხი მოწვეული პროფესორის, ზურაბ ლიპარტიასათვის სტუ-ის საპატიო დიპლომზე წარდგენასთან დაკავშირებით (ბატონ ზურაბს შეუსრულდა 70 წელი და ამასთანავე მან მოამზადა მონოგრაფია „ფინანასური მენეჯმენტის ფილოსოფია“, რომლის პრეზენტაციაც მოეწყობა უახლოეს მომავალში) და საბჭოს წევრებს სთხოვა მხარდაჭერა.
ფაკულტეტის საბჭომ მოისმინა პროფესორ გიორგი ბაღათურიას და ასოც. პროფესორის, რუსუდან ქინქლაძის ანგარიში მივლინებების შესახებ (ინფორმაცია იხილეთ ფაკულტეტის ვებგვერდზე).
ფაკულტეტის საბჭომდაადგინა, რომ დაფინანსდეს დეკანის, რ. ქუთათელაძის მივლინება გერმანიაში. იგი მიწვეულია ზაარბრიუკენში, ტექნიკისა და ეკონომიკის უნივერსიტეტში, ევროპულ კვირეულზე დასასწრებად და მემორანდუმის გასაფორმებლად. ასევე ზაარბრიუკენის მერთან, შარლოტა ბრიტცთან შეხვედრაზე თანამშრომლობის გაღრმავების მიზნით და მიუნხენში საადვოკატო ბიუროში - „დოქტორ ლანგი და კოლეგები“ -ვორქშოპზე.