2018 წლის 15-17 თებერვალს ავსტრიის განვითარების ინსტიტუტის (Institut für Höhere Studien) ორგანიზებით ქ. ვენაში ჩატარდა პირველი საერთაშორისო კონფერენცია „ეკონომიკური პროგნოზირება-2018“. კონფერენციის მუშაობაში მონაწილეობა მიიღო ბიზნესტექნოლოგიების ფაკულტეტის საჯარო მმართველობისა და ელექტრონული ბიზნესის დეპარტამენტის პროფესორმა გიორგი ბაღათურიამ.
გ. ბაღათურიას მოხსენება შეეხებოდა გლობალური ეკონომიკური კრიზისის პროგნოზირების შესაძლებლობას, რომელმაც დაიმსახურა კონფერენციის მონაწილეთა, ძირითადად თეორეტიკოსთა, უნივერსიტეტების წარმომადგენელთა, დაინტერესება.
კონფერენციის მუშაობაში მონაწილეობა მიიღეს მსოფლიოს მრავალი ქვეყნის (აშშ, გერმანია, დიდი ბრიტანეთი, იტალია, საფრანგეთი, ირლანდია, ესპანეთი, შვეიცარია, დანია, ჩეხეთი, ფინეთი, ბელგია, ავსტრია, ლატვია, მაკედონია, პოლონეთი, მონტენეგრო, ტაივანი) მეცნიერებმა და პრაქტიკოსმა სპეციალისტებმა, როგორც უნივერსიტეტებიდან, ისე საბანკო სფეროდან.