საჯარო მმართველობის პრობლემათა კვლევების ინსტიტუტის თემატური სემინარი

„სატრანსპორტო დერეფნისა და ლოგისტიკის სახელმწიფო მართვის
ინოვაციური მეთოდები“

2018 წლის 21 მარტს 15:00 საათზე საჯარო მმართველობის პრობლემათა კვლევის ინსტიტუტის კომპლექსური კვლევითი პროგრამის ფარგლებში რიგით მეორე სემინარი გაიმართება.
სემინარზე მოსმენილი იქნება ანაკლიის პორტის განვითარების გეგმა და ბიზნესტექნოლოგიების ფაკულტეტის საჯარო მმართველობის პროგრამის დოქტორანტის ეკატერინა ზაქარაძის საკვალიფიკაციო ნაშრომის - „კავკასიის რეგიონის ფუნქცია და აბრეშუმის გზის როლი საქართველოს სოციალურ-ეკონომიკურ განვითარებაში“ კვლევის შედეგები.
სემინარში მონაწილეობას მიიღებენ ანაკლიის კონსორციუმის სამსახურის, ინფრასტრუქტურის და რეგიონალური განვითარების სამინისტროს შესაბამისი სამსახურის, საქართველოს ლოგისტიკის ასოციაციის, საქართველოს რკინიგზის სამსახურების წარმომადგენლები, ბათუმის ნავიგაციის სასწავლო უნივერსიტეტის ლოგისტიკის მიმართულების ექსპერტები, საზღვაო მომსახურებისა და სატრანსპორტო კომპანია „ტრანსლოჯისტიკის“ ხელმძღვანელი; საქართველოს ტექნიკური უნივერსიტეტის პროფესორები და სტუდენტები (ბაკალავრები; მაგისტრანტები და დოქტორანტები).

სემინარი წარიმართება შემდეგი დღის წესრიგის მიხედვით:
1. ანაკლიის ღრმაწყლოვანი პორტის განვითარების გეგმა -
სალომე კელენჯერიძე (ანაკლიის კონსორციუმის წარმომადგენელი)
2. სატრანსპორტო დერეფნისა და ლოგისტიკის მართვის ინოვაცია -

• გამჭოლი ტარიფების ინდექსი - სატრანსპორტო დერეფნის კონკურენტიანობისთვის (Idt) ;
• „სქაი ვეის“ ტექნოლოგიის მართვის ეფექტურობის გათვლა ანაკლიის პორტის მაგალითზე. - 

ეკატერინა ზაქარაძე (საქართველოს ტექნიკური უნივერსიტეტის ბიზნესტექნოლოგიების ფაკულტეტის საჯარო მმართველობის და ელექტრონული ბიზნესის დეპარტამენტის საჯარო მმართველობის სადოქტორო პროგრამის დოქტორანტი)