2018 წლის 26 თებერვალს ჩატარდა ბიზნესტექნოლოგიების ფაკულტეტის საბჭოს სხდომა. ბიზნესტექნოლოგიების ფაკულტეტის დეკანმა წარადგინა ფაკულტეტის დებულების ცვლილებები, რაც შეეხო დებულების V თავს მუხლი 17, პარაგრაფი 3 - დაემატა ახლად შექმნილი ბიზნესისა და სამართლის ინსტიტუტი, მეორე თავს მუხლი 12 პარაგრაფი 2ა - დაემატა სათათბიროს ფუნქციები, VI თავს მუხლი 21, პარაგრაფი 3 - დეკანატის აპარატის თანამშრომელთა ჩამონათვალი დაზუსტდა, II თავს მუხლი 4 დაემატა პარაგრაფი 4. დეკანმა აგრეთვე წარადგინა ფაკულტეტის დამხმარე პერსონალის საშტატო და სტრუქტურა. საბჭომ მოიწონა და დაამტკიცა დებულება, საშტატო და სტრუქტურა წარმოდგენილი სახით. 

ფაკულტეტის საბჭომ დააფინანსა ასისტენტის გიორგი მორჩილაძის მივლინება გერმანიაში ქ. მიუნხენში, იგი მიწვეულია საერთაშორისო სამეცნიერო კონფერენციაზე , სადაც წარადგენს მოხსენებას თემაზე „მომსახურების სფეროში ინოვაციების მართვისას გადაწყვეტილებების მიღების მოდელები“.

ფაკულტეტის საბჭომ დაადგინა:  1. მოწვეულ იქნეს ვალერი მოსიაშვილი ასოცირებულ პროფესორად 400 საათზე;            2. ეთხოვოს აკადემიურ საბჭოს აღნიშნულის დამტკიცება.