2018 წლის 12 იანვარს ჩატარდა ბიზნესტექნოლოგიების ფაკულტეტის საბჭოს სხდომა. სხდომაზე სიტყვით გამოვიდა ხარისხის უზრუნველყოფის სამსახურის უფროსი ნ. ჩიკვილაძე, განიხილეს და ერთხმად დაამტკიცეს შემდეგი საგანმანათლებლო პროგრამები: ბაკალავრიატი: ბიზნესის ადმინისტრირება, ბიზნესის ადმინისტრირება (რუსულენოვანი), საბანკო და საფინანსო ტექნოლოგიები; მაგისტარტურა: ბიზნესის ადმინისტრირება, ბიზნესის ადმინისტრირება (ინგლისურენოვანი), საბანკო პროცესების მართვა; დოქტორანტურა: ბიზნესის ადმინისტრირება, ფინანსები.
ბიზნესტექნოლოგიების ფაკულტეტის დეკანმა საბჭოს წარუდგინა ფაკულტეტის სტრატეგიული განვითარების გეგმა(2018-2024წწ) და სამწლიანი სამოქმედო გეგმა (2018-2020 წწ). საბჭომ ერთსულოვნად დაუჭირა მხარი და დაამტკიცა.
ბიზნესტექნოლოგიების ფაკულტეტის დეკანმა წარადგინა ფაკულტეტის დებულებაში ცვლილებები, რაც შეეხო მეხუთე თავის, მუხლი 17, პარაგრაფი -3 ფაკულტეტის სამეცნიერო-კვლევით ერთეულებს.
ფაკულტეტის საბჭომ დააფინანსა პროფ. გ. ბაღათურიას მივლინება(2018 წლის 15-17თებერვალი) ქ. ვენაში. იგი მიწვეულია ეკონომიკური პროგნოზირების საკითხებისადმი მიძღვნილ სამეცნიერო კონფერენციაზე, სადაც წარადგენს მოხსენებას-„კიბერნეტიკული მიდგომა ეკონომიკური კრიზისის პროგნოზირებისთვის“.
ფაკულტეტის საბჭომ დააფინანსა პროფესორ პაატა კოღუაშვილის წიგნის „მიწის ადმინისტრირების“ გამოცემა.
ფაკულტეტის საბჭომ მოიწონა მოწვეული ასოც. პროფესორის თამარ ქობლიანიძის მიერ წარმოდგენილი ლექციების კურსი “საცალო ვაჭრობა“.
ფაკულტეტის საბჭომ დაამტკიცა იმ სასწავლო კურსების შუალედური და ფინალური გამოცდების ტესტის შემდგენლების და სააპელაციო კომისიის შემადგენლობა, რომლებიც ტარდება სტუ-ის საგამოცდო ცენტრში.