English |
Русский |
დეპარტამენტები
ძებნა |
საიტის რუკა |
კონტაქტი
2018 წლის 23 იანვარს ბიზნესტექნოლოგიების ფაკულტეტის საფინანსო და საბანკო ტექნოლოგიების დეპარტამენტის ორგანიზებით გაიმართა ბაკალავრიატის მე-4 კურსის სტუდენტების შეხვედრა ლიბერთი ბანკის წარმომადგენლებთან: კომერციული ანიმაციის დეპარტამენტის ხელმძღვანელთან ქალბატონ ნინო სურგულაძესთან და ამავე დეპარტამენტის სახელფასო პროექტების ანიმაციის განყოფილების უფროსთან ქალბატონ მაია მიჩილაშვილთან. შეხვედრის მიზანი იყო სტუდენტებისთვის ლიბერთი ბანკში სტაჟირების პირობების და შემდგომში დასაქმების პერსპექტივების გაცნობა. შეხვედრის ბოლოს სტუდენტებმა სტუმრებს დაუსვეს კითხვები მათთვის საინტერესო საკითხებზე, რაზეც ლიბერთი ბანკის წარმომადგენლებისგან მიიღეს ამომწურავი პასუხები. ბოლოს შეხვედრის მონაწილეები შეთანხმდნენ თარიღზე (მიმდინარე წლის 30 იანვარი), რა დრომდეც უნდა მოხდეს სტაჟირების მსურველი სტუდენტების სიის წარდგენა ლიბერთი ბანკისთვის. სტაჟირების სავარაუდო დაწყების თარიღია მიმდინარე წლის 10 თებერვალი და სტაჟირების სავარაუდო პერიოდი 2 თვე.