2018 წლის 18 იანვარს საქართველოს ტექნიკური უნივერსიტეტის ბიზნესტექნოლოგიების ფაკულტეტის საფინანსო და საბანკო ტექნოლოგიების დეპარტამენტში გაიმართა შეხვედრა სტუდენტებთან, კურსდამთავრებულებთან, დამსაქმებლებთან და პროფესორ-მასწავლებლებთან. შეხვედრას ესწრებოდნენ ფაკულტეტის დეკანი პროფესორი რუსუდან ქუთათელაძე და მენეჯერი ბატონი ზაზა ბუაჩიძე. დამსაქმებლები იყვნენ წარმოდგენილები სს „ვითიბი ბანკი ჯორჯიადან“, სადაზღვევო კომპანია „აი სი ჯგუფიდან“, შპს „დემასიდან“, შპს „სემექს ჯორჯიადან“ და შპს „თბილისი რეფიერ კომპანიდან. შეხვედრაზე დეპარტამენტის პროფესორებმა განსახილველად და გასაცნობად წარმოადგინეს საგანმანათლებლო პროგრამები: ბაკალავრიატის - „საბანკო და საფინანსო ტექნოლოგიები“ ( ხელმძღვანელი პროფ. ა. ქუთათელაძე), მაგისტრატურის - „საბანკო პროცესების მართვა“ (ხელმძღვანელი პროფ. რ. ბურდიაშვილი), დოქტორანტურის - „ფინანსები“ (ხელმძღვანელი პროფ. გ. ცაავა). წარმოდგენილმა საგანმანათლებლო პროგრამებმა საერთო მოწონება დაიმსახურა. სტუდენტებისა და დამსაქმებლების მხრიდან დაისვა შეკითხვები, გაჩნდა საინტერესო მოსაზრებები, რაც პროგრამის ხელმძღვანელებმაც გაიზიარეს და შესაბამის საგანმანათლებლო პროგრამებში იქნება ასახული.