English |
Русский |
დეპარტამენტები
ძებნა |
საიტის რუკა |
კონტაქტი
საბჭოს სხდომა
2017 წლის 18 დეკემბერს სტუ ბიზნესტექნოლოგიების ფაკულტეტზე ჩატარდა ფაკულტეტის საბჭოს სხდომა. სხდომაზე მოხსენებით გამოვიდა ფაკულტეტის დეკანი პროფესორი რუსუდან ქუთათელაძე. მან აღნიშნა, რომ მიმდინარე წელს გაწეული საქმიანობის შედეგებით ფაკულტეტზე არის დადებითი ძვრები, როგორც სტუდენტთა კონტიგენტის ზრდის კუთხით, ასევე მატერიალურ-ტექნიკური ბაზის გაუმჯობესებით. ფაკულტეტზე შეიქმნა საჯარო მმართველობის პრობლემათა სასწავლო-სამეცნიერო კვლევითი ინსტიტუტი, ბიზნესტექნოლოგიების სასწავლო-სამეცნიერი და კვლევითი ლაბორატორია. უნივერსიტეტში ჩატარებული აკადემიური პერსონალის კონკურსის შედეგად ფაკულტეტი შეივსო ახალი აკადემიური პერსონალით. სხდომაზე რ. ქუთათელაძემ წარმოადგინა 2018 წლის ფაკულტეტის ბიუჯეტის პროექტი და ფაკულტეტის ახალი სტრუქტურა, რომელიც საბჭომ ერთხმად დაამტკიცა.
სხდომაზე ფაკულტეტის ხარისხის სამსახურის უფროსმა პროფესორმა ნინო ჩიკვილაძემ ინფორმაცია გააკეთა ავტორიზაციის სტანდარტების შესახებ, კერძოდ: „განათლების ხარისხის განვითარების ეროვნული ცენტრის გაწევრიანება უმაღლესი განათლების ხარისხის უზრუნველყოფის ევროპულ ასოციაციაში“.