English |
Русский |
დეპარტამენტები
ძებნა |
საიტის რუკა |
კონტაქტი
სტუ-ის პროფესორი მარინა მეტრეველი Welcome to Georgia 2017-ის ჟიურის წევრია
Welcome to Georgia! ტურიზმის ეროვნული დაჯილდოება - ეს არის ტურიზმისა და მასპინძლობის სფეროში არსებული ყოველწლიური დაჯილდოების ცერემონია, რომელიც ტარდება საქართველოში 2015 წლიდან. პროექტის მიზანია წაახალისოს ქართული ტურიზმისა და მასპინძლობის ინდუსტრია, ხელი შეუწყოს ამ სფეროში მომუშავე კომპანიებისა და ბრენდების ცნობადობის გაზრდას და უკეთ წარმოაჩინოს საქართველო საერთაშორისო ტურისტულ ბაზარზე.
პროექტს დიდი მხარდაჭერა აქვს როგორც სახელმწიფოს მხრიდან, ასევე კერძო სექტორიდან. პროექტის თანაორგანიზატორია საქართველოს ტურიზმის ეროვნული ადმინისტრაცია, მხარდამჭერები – საქართველოს ეკონომიკისა და მდგრადი განვითარების სამინისტრო და თბილისის მერია.
Welcome to Georgia! ტურიზმის ეროვნული დაჯილდოება - 2017-ის დაჯილდოების საზეიმო ცერემონიალი ჩატარდა 2017 წლის 6 დეკემბერს რუსთაველის სახელმწიფო თეატრში.
ჟიურის წევრებს შორის იყო საქართველოს ტექნიკური უნივერსიტეტის ბიზნესტექნოლოგიების ფაკულტეტის პროფესორი მარინა მეტრეველი.