English |
Русский |
დეპარტამენტები
ძებნა |
საიტის რუკა |
კონტაქტი
პრეს რელიზი
1 დეკემბერს, 15 საათზე საქართველოს ტექნიკური უნივერსიტეტის ბიზნესტექნოლოგიების ფაკულტეტის საჯარო მმართველობისა და ელექტრონული ბიზნესის დეპარტამენტში გაიმართა საჯარო მმართველობის პრობლემათა კვლევების ინსტიტუტის გახსნის ცერემონია.
ინსტიტუტის დირექტორმა პროფესორმა მარიამ ცაცანაშვილმა გამართა პრეზენტაცია ინსტიტუტის სტრატეგიულ საკითხებზე.
ინსტიტუტი შექმნილია საჯარო მმართველობის სფეროში პრობლემათა ინდენტიფიცირებისა და მათი გადაჭრის გზების ძიებისთვის. ინსტიტუტი იწყებს საქმიანი კონტაქტების დამყარებას არასაუნივერსიტეტო სამეცნიერო კვლევით ცენტრებთან, ორგანიზაციებთან, სამთავრობო და სხვა დაწესებულებებთან, ბიზნეს სექტორთან.
გახსნის ცერემონიაზე ხელი მოეწერა ურთიერთთანამშრომლობის მემორანდუმს სტუ ბიზნესტექნოლოგიების ფაკულტეტის საჯარო მმართველობის პრობლემათა კვლევების ინსტიტუტსა და თსუ რ. აგლაძის არაორგანული ქიმიისა და ელექტროქიმიის ინსტიტუტს შორის ახალი ცოდნის მიღებისა და გამოყენებითი კვლევების დანერგვის სფეროში გამოცდილების გაზიარებასა და ერთობლივი პროექტების განხორციელების მიზნით.
დეპარტამენტის ხელმძღვანელმა პროფესორმა გენადი იაშვილმა შეაფასა ინსტიტუტის მნიშვნელობა თეორიული პრაქტიკული კვლევების გაძლიერების კუთხით.
ფაკულტეტის დეკანმა პროფესორ რუსუდან ქუთათელაძემ ხაზი გაუსვა ინსტიტუტის კვლევითი თემის „ინოვაციების და ტექნოლოგიების მართვის პრობლემები საქართველოში“ მნიშვნელობას, რადგან მასში ჩართულები არიან როგორც დოქტორანტები და მაგისტრანტები, ასევე საჯარო მმართველობის პროგრამის ბაკალავრიატის სტუდენტები.
ინსტიტუტის გახსნის ღონისძიება შეაჯამა საქართველოს ტექნიკური უნივერსიტეტის რექტორმა აკადემიკოსმა არჩილ ფრანგიშვილმა და აღნიშნა ინტიტუტის მნიშვნელობა საუნივერსიტეტო კვლევების ინტეგრაციის საქმეში.
წარმატებები უსურვა და დასძინა : „ ეს არის ახალი ნაბიჯი, რაც გვაძლებს საშუალებას მოხდეს უნივერსიტეტის მისიის გაძლიერება თანამშრომლობის სინერგიის კუთხით“.