10/17/2017
საერთაშორისო კონფერენცია
საქართველოს ტექნიკური უნივერსიტეტი, როგორც პროექტის კონსორციუმის წევრი მონაწილეობს ევროკავშირის მიერ დაფინანსებულ TEMPUS-ის პროგრამის Re-THINKe-ის (Reform of Education Thru International Knowledge exchange - განათლების რეფორმა ცოდნის საერთაშორისო გაცვლის საშუალებით) პროექტში (54417 8-T EM PUS-1-2013-1-PT-TEMPUS-JPCR.
აღნიშნული საგრანტო პროექტის ფარგლებში 2017 წლის 12 ოქტომბერს არქიტექტურის, ურბანისტიკის და დიზაინის ფაკულტეტმა და ბიზნესტექნოლოგიების ფაკულტეტმა ჩაატარეს პირველი საერთაშორისო კონფერენცია - IHE 2017 თემაზე ,,უმაღლესი განათლების ინტერნაციონალიზაცია: სტრატეგიები და გამოწვევები“, Internationalization in Higher Education: strategies and challenges IHE 2017.
კონფერენციის პლენარულ სხდომაზე სიტყვითა და მოხსენებით გამოვიდნენ - ლისაბონის არქიტექტურის ფაკულტეტის პრეზიდენტი ჟოაო პარდალ მონტეირო, პორტუგალია; ტემპუსის RETHINKe პროექტის ხელმძღვანელი ოქსანა რიბაკი (ტურჩანინა), ლისაბონის უნივერსიტეტის პროფესორი ანტონიო კასტელბრანკო და სხვები.
RETHINKe პროექტის შედეგების განვითარების მორიგი წარმატება იყო კონფერენციის პლენარულ სხდომაზე ერაზმუს პლუს K1 პროგრამის უმაღლესი განათლების სტუდენტურ და საშტატო მობილობის პროექტზე საზეიმო შეთანხმება. ლისაბონის უნივერსიტეტის არქიტექტურის ფაკულტეტის პრეზიდენტმა ჟუაო პარდალ მონტეირამ და საქართველოს ტექნიკური უნივერსიტეტის რექტორმა არჩილ ფრანგიშვილმა ხელი მოაწერეს შიდა საუნივერსიტეტო ხელშეკრულებას სტუდენტთა და მასწავლებელთა გაცვლითი პროგრამის შესახებ, რომლის მიხედვითაც ქართველი სტუდენტები ნახევარი წლით გაემგზავრებიან ლისაბონის უნივერსიტეტში, ლისაბონელი სტუდენტები ჩამოვლენ საქართველოს ტექნკურ უნივერსიტეტში; ორივე უნივერსიტეში განხორციელდება ხუთდღიანი საქმიანი მივლინებები პედაგოგებისთვის.
პლენარული სხდომის შემდეგ ბიზნესტექნოლოგიების და არქიტექტურის, ურბანისტიკის და დიზაინის ფაკულტეტებზე გაიმართა სექციური მუშაობა, სადაც წარმოდგენილი იქნა მოხსენებები საკუთარი გამოცდილების, საერთაშორისო საგანმანათლებლო სისტემასთან შედარებითი ანალიზის, ახალი საერთაშორისო ტექნოლოგიების, ელექტრონული სწავლებისა და უმაღლესი განათლების სისტემაში სხვა საერთაშორისო საკითხების შესახებ.
