05/23/2017
2017 წლის 20 მაისს, ბიზნესტექნოლოგიების ფაკულტეტზე ოფიცილაურად გაიხსნა TEMPUS LMPH (პროფესიონალური საბაკალავრო და სამაგისტრო პროგრამების შემუშავება სასტუმროს მენეჯმენტში ტურიზმის ინდუსტრიის განვითარებისათვის საქართველოში, აზერბაიჯანსა და მოლდოვაში) პროექტის ფარგლებში ორგანიზებული კომპიუტერული ცენტრი.
ცენტრში განთავსებულია 21 კომპიუტერი, მრავალფუნქციური პრინტერი, პროექტორი, სასტუმრო დარგის სახელმძღვანელოები და დამხმარე ნაბეჭდი რესურსები.
ცენტრი ოფიციალური გახსნის ცერემონიაზე მოწვეული იყვნენ სტუ-ს ადმინისტრაცია, ბიზნესტექნოლოგიების ფაკულტეტის პროფესორ-მასწავლებლები, ERASMUS + ოფიცერი, პროექტის მონაწილე პარტნიორი ორგანიზაციები და სასტუმრო დარგით დაინტერესებული პირები.
პროექტის დირექტორის, სტუ-ს ასოც. პროფ. ია მოსაშვილის მიერ გაკეთდა მოკლე მიმოხილვა პროექტის ფარგლებში განხორციელებეული აქტივოვების შესახებ.
პროექტის უმთავრეს შედეგს წარმოადგენს:
- 4 საგანმანათლებლო პროგრამის შექმნა და აკრედიტაცია:
- არსებულ ტურიზმის პროგრამებში საგნების და მოდულების მოდიფიცირება:
- სასერთიფიკატო კურსების ორგანიზება და ჩატარება:
დამსწრე საზოგადოებას დაურიგდა პროფ. მანანა ვასაძის სახელმძღვანელო „სასტუმრო და კვება“, რომელიც პროექტის ფარგლებში შეიქმნა და დაიბეჭდა. პროექტის შესახებ შემაჯამებელი სიტყვით გამოვიდნენ: სტუ-ს რექტორის მოადგილე მეცნიერების დარგში, პროფ. ზურაბ გასიტაშვილი, ERASMUS + ოფიცერი - დოქტ. ლიკა ღლონტი, ბიზნესტექნოლოგიების ფაკულტეტის პროფესორები: ნინო ფაილოძე, მანანა ვასაძე, ლია კვარაცხელია, გორის სახელმწიფო სასწავლო უნივერსიტეტის პროფესორი - ნანა ახალაია. პროექტის მონაწილე პროფესორებს გადაეცათ სერთიფიკატები კოანიმაციის ტრენინგებში მონაწილებისათვის.