07/17/2023
იაპონია-საქართველოს ურთიერთობები ტყის მდგრადი მართვის სფეროში
პრესრელიზი
2023 წლის 14 ივლისს, ბეთანიაში გაიმართა საქართველოს ტექნიკური უნივერსიტეტის ბიზნესტექნოლოგიების ფაკულტეტის პროექტის - „შეუნახე ტყე მომავალ თაობას“ - გახსნის ღონისძიება. ღონისძიება მიეძღვნა ტყის მდგრადი მართვის სფეროში იაპონია-საქართველოს ურთიერთობებს. პროექტის ინიციატორები არიან საჯარო მმართველობის პრობლემათა კვლევების ინსტიტუტის დოქტორანტები და პოსტდოქტორანტები: ანა ცაცანაშვილი. ლაშა თოლორდავა, დავით ყოლბაია, ლანა ხიჯაკაძე, მარიამ ჯიბლაძე, სულხან ტაბატაძე.
ღონისძიებას ესწრებოდნენ: იაპონიის საერთაშორისო თანამშრომლობის სააგენტოს რეგიონალური ოფისის ხელმძღვენელი, ბატონი ჰიროიუკი მორი და მისი თანაშემწე, ბატონი კონსტანტინე წერეთელი, იაპონელი პიანისტი, დოქტორი უსუი ტოშიკი და საქართველოში იაპონიის საელჩოს წარმომადგენელი - ამბაკო ბაღაშვილი, ქეთევან ქოქრაშივილი (განათლებისა და მეცნიერების სამინისტრო), როზა ლორთქიფანიძემ (აგროეკოლოგიური აკადემია), დალი აბაშიძე (ფიროსმანის მუზეუმის დირექტორი), მაია ყიფიანი, სტუ ბიზნესტექნოლოგიების ფაკულტეტის პროფესორ-მასწავლებლები; გიორგი ბაღათურია, ოთარ ქოჩორაძე, ზურაბ ნასარაია, ოთარ ბაღათურია, თამარ რევაზიშვილი, ირინა იაშვილი, ბესიკ შერაზადაშვილი, ქეთევან ცაცანაშვილი, ლევან სისვაძე და სხვები.
პროექტის მონაწილეებმა ისაუბრეს დიდთოვლობისა და ჭარბი ნალექის გამო წიწვოვანი ნარგავების მასშტაბურად განადგურებისა და საგანგაშო ეკოლოგიური ვითარების თაობაზე. კოჯორი-ბეთანიის ტყის საფარის აღდგენა-განახლების პროექტის შესახებ ბიზნესტექნოლოგიების ფაკულტეტის დეკანმა, ქალბატონმა რუსუდან ქუთათელაძემ და მოწვეულმა სტუმრებმა, გამოხატეს მზაობა სტუდენტთა ჩართულობით პერიოდულად განხორციელდეს სეზონური აქტივობები - კავკასიური ფიჭვის ნერგების დარგვა კოჯორი-ბეთანიის ტყის პრობლემურ მონაკვეთზე. არფას (ირინა კობახიძე) და ფლეიტის (ნინო მაჭავარიანი) თანხლებით გაჟღერდა „მელოდიები ტყის გადასარჩენად“.
