სასტუმროს მომსახურების მართვის სამაგისტრატრო საგანმანათლებლო პროგრამის სტუდენტების დასწრება „ტურიზმის შესახებ“ საქართველოს კანონის პირველი მოსმენით განხილვას საქართველოს პარლამენტში

2023 წლის 25 ივნისს საქართველოს ტექნიკური უნივერსიტეტის ბიზნესტექნოლოგიების ფაკულტეტის სასტუმროს მომსახურების მართვის სამაგისტრატრო საგანმანათლებლო პროგრამის სტუდენტებს პრაქტიკული კომპონენტის ფარგლებში გასვლა ჰქონდათ საქართველოს პარლამენტში. აღნიშნული ღონისძიების ფარგლებში მოინახულეს საქართველოს პარლამენტის შენობა. ჩაუტარდათ ექსკურსია, რომლის დროსაც გაეცვნენ სხვადასხვა სათათბირო და სასესიო სხდომების დარბაზების დანიშნულებასა და ისტორიას.

ღონისძიების მე-2 ნაწილი დაეთმო საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტში „საქართველოს კანონის პროექტის „ტურიზმის შესახებ“ პირველი მოსმენით განხილვის პროცესის გაცნობასა და მასზე დასწრებას.

ღონისძიება ჩატარდა სასტუმროს მომსახურების მართვის სამაგისტრატრო საგანმანათლებლო პროგრამის ხელმძღვანელის პროფესორი მარინა მეტრეველის ინიციატივითა და ტურიზმისა და მარკეტინგის ფაკულტეტის დეპარტამენტის უფროსი ლელა კოჭლამაზაშვილის ხელმძღვანელობით.