English |
Русский |
დეპარტამენტები
ძებნა |
საიტის რუკა |
კონტაქტი
მივლინება გერმანიაში
2023 წლის 8-12 მაისს გერმანიის ქ. ზაარბიუკენში, ზაარლანდის ტექნიკისა და ეკონომიკის ინსტიტუტში, ERASMUS+ პროგრამის ფარგლებში, გაიმართა მე-14 საერთაშორისო ევროპული კვირეული, რომელშიც საქართველოს ტექნიკური უნივერსიტეტის დელეგაციამ მიიღო მონაწილეობა. დელეგაციის შემადგენლობაში შედიოდნენ: ბიზნესტექნოლოგიების ფაკულტეტის დეკანი, პროფესორი რუსუდან ქუთათელაძე, პროფესორები ანზორ აბრალავა და ქეთევან ქოქრაშვილი.
გაიმართა შეხვედრები, რომელშიც მონაწილეობდნენ ზაარლანდის ტექნიკისა და ეკონომიკის ინსტიტუტის წარმომადგენლები - სწავლების დეკანი, დოქტორი პეტრა განჰოსტი; პროფესორი შტეფან ჰუტერი; მოწვეული პროფესორი ვილჰელმ ჰაუზერი და სტუ-ის დელეგაცია (რომელსაც ზუმპლატფორმის გამოყენებით დაემატა პროფესორი თინათინ იაშვილი).
განიხილეს ერთობლივი სამაგისტრო და სადოქტორო პროგრამების (ორმაგი დიპლომის პერსპექტივით) შემუშავებასთან დაკავშირებული საკითხები და სხვა.
12 მაისს გაიმართა შეხვედრა ქ. ზაარბიუკენის მერთან, ბატონ უვე კონრადტთან, რომელიც დაინტერესდა ორ მხარეს შორის უკვე არსებული ურთიერთობებით და სამომავლო გეგმებით.
ევროპულ კვირეულში მონაწილეობდნენ ბელგიის, ფინეთის, ლატვიის, ლიეტუის, ნიდერლანდების, პოლონეთის, პორტუგალიის, რუმინეთის, გაერთიანებული სამეფოს სხვადასხვა უმაღლესი სასწავლებლების პროფესორები. დამყარდა მათთან გარკვეული კავშირები.