English |
Русский |
დეპარტამენტები
ძებნა |
საიტის რუკა |
კონტაქტი
ბიზნესტექნოლოგიების ფაკულტეტის ასოცირებული პროფესორის ნათია შენგელიას მივლინება ესპანეთში
ბიზნესტექნოლოგიების ფაკულტეტის ასოცირებული პროფესორი ნათია შენგელია, საქართველოს ტექნიკური უნივერსიტეტიდან, Erasmus+ Credit Mobility საერთაშორისო მობილობის პროექტის 2023-წლის 14 თებერვლის კონკურსის შედეგად, მიწვეულ იქნა კორდობას უნივერსიტეტში (University of Cordoba, Spain) (ესპანეთი) საერთაშორისო აკადემიურ კვირეულში მონაწილეობის მისაღებად 2022/2023 სასწავლო წლის საგაზაფხულო სემესტრში (24-28.04.2023).
საერთაშორისო კვირეულის ფარგლებში ნათია შენგელიამ წარმოადგინა პრეზენტაცია საქართველოს ტექნიკური უნივერსიტეტის, მისი სამეცნიერო მიღწევების, სიახლეების შესახებ, მათ შორის ბიზნესტექნოლოგიების ფაკულტეტის სასწავლო პროგრამების, კვლევებისა და სხვა აქტივობების შესახებ.
გარდა ამისა, ნათია შენგელია შეხვდა კორდობას უნივერსიტეტის ვიცე-რექტორს ლ. სანტოსს, დაიგეგმა ერთობლივი სამეცნიერო პროექტების განხორციელება. მან ჩაატარა ასევე ლექციები ბიზნესის, სამართლისა და ეკონომიკის ფაკულტეტზე და მონაწილეობა მიიღო სხვადასხვა დაგეგმილ საერთაშორისო ვორკშოპებში. მივლინების
აღნიშნული Erasmus+ პროექტის ფარგლებში გაზიარებული იქნა ესპანეთის, ალბანეთის, ფილიპინების, აზერბაიჯანის და სხვა ქვეყნების უნივერსიტეტებში არსებული პრაქტიკა და გამოცდილება თანამედროვე სწავლების მეთოდების, საგანმანათლებლო პროგრამების და სხვა სიახლეების შესახებ. ასევე დაიგეგმა სხვადასხვა ქვეყნების უნივერსიტეტებთან სამეცნიერო თანამშრომლობის უფრო მეტად განვითარება, გაღრმავება და საერთაშორისო საგრანტო პროექტებში ერთობლივად მონაწილების მიღება.