2023 წლის 28 აპრილს ბიზნესტექნოლოგიების ფაკულტეტის დღისადმი მიძღვნილი პროექტის - „წარმატების გასაღები“ (ავტორები: პროფ. გ. ყურაშვილი, პროფ. მ. ჭელიძე და პროფ. თ. ბერიძე) ფარგლებში გაიმართა შეხვედრა საქართველოს საგარეო საქმეთა სამინისტროს ატაშესთან, ბიზნესტექნოლოგიების ფაკულტეტის დოქტორანტ გოგა გელიტაშვილთან.

შეხვედრას ესწრებოდნენ როგორც ფაკულტეტის სტუდენტები, ისე აკადემიური და ადმინისტრაციული პერსონალი.

ბატონმა გოგამ ისაუბრა საკუთარი გამოცდილების შესახებ, მის კარიერულ წინსვლაზე, წარმატების ფორმულასა და სამომავლო გეგმებზე.

სტუდენტების მხრიდან დიდი ინტერესი გამოიწვია ბ-ნი გოგას მიღწევებმა, შესაბამისად დაისვა შეკითხვები მათთვის აქტუალურ და საინტერესო საკითხებზე, მათ შორის განათლების მნიშვნელობის, უცხო ენების საჭიროების, სხვადასხვა პროგრამებსა და პროექტებში სტუდენტების ჩართულობის, მიზნების და პრიორიტეტების სწორად განსაზღვრის, პროფესიის არჩევის შესახებ.

შეხვედრა მიმდინარეობდა აქტიური დისკუსიის ფორმატში. დიდი ინტერესიდან გამომდინარე, მოწვეული სტუმრის მიერ გამოითქვა სტუდენტებთან შემდგომი შეხვედრის მზადყოფნა.