English |
Русский |
დეპარტამენტები
ძებნა |
საიტის რუკა |
კონტაქტი
მივლინება პორტუგალიაში
2023 წლის 17-21 აპრილს პორტუგალიის ქალაქ ბეჟაში - ბეჟას პოლიტექნიკურ ინსტიტუტში (IPBeja –Insittuto Politecnico de Beja) Erasmus+ საერთაშორისო კვირეული გაიმართა, რომელშიც საქართველოს ტექნიკური უნივერსიტეტის დელეგაციამ მიიღო მონაწილეობა. დელეგაციის წევრებს ბიზნესტექნოლოგიების ფაკულტეტის დეკანი, პროფესორი რუსუდან ქუთათელაძე, ამავე ფაკულტეტის ასისტენტ პროფესორი ნინო ომანაძე და აგრარული მეცნიერებების და ბიოსისტემების ინჟინერინგის ფაკულტეტის პროფესორი, მევენახეობისა და მეღვინეობის დეპარტამენტის უფროსი, პროფესორი ნინო ჩხარტიშვილი წარმოადგენდნენ.
საერთაშორისო კვირეულის ცერემონიალი 17 აპრილს უნივერსიტეტის პრეზიდენტმა პროფესორმა ფატიმა კარვალომ და საერთაშორისო ურთიერთობების ოფისის კოორდინატორმა კრისტინა პალმამ გახსნა და მიესალმა დელეგატებს. ბეჟას პოლიტექნიკური უნივერსიტეტი, ხუთი დღის განმავლობაში მასპინძლობდა საერთაშორისო კვირეულს, რომელშიც ევროპისა და ბრაზილიის 29 პარტნიორი უმაღლესი საგანმანათლებლო დაწესებულების 80 დელეგატი, მათ შორის პროფესორები, მკვლევარები და საერთაშორისო ურთიერთობების წარმომადგენელი იღებდა მონაწილეობას.
საერთაშორისო კვირეულის ფარგლებში დაგეგმილ შეხვედრებზე, პროფესორი და ბიზნესტექნოლოგიების დეკანი რუსუდან ქუთათელაძე და ასისტენტ პროფესორი ნინო ომანაძე წარსდგნენ საინფორმაციო და თემატური პრეზენტაციებით: „მოტივაცია, როგორც ორგანიზაციის მამოძრავებელი ძალა“; „რეკრუიტმენტი და პერსონალის შერჩევა“.
პროფესორმა ნინო ჩხარტიშვილმა აუდიტორიას ქართული მევენახეობა და მეღვინეობა, დარგის ისტორია, რეგიონების თავისებურებები და ძველი ქართული ტრადიციული მეთოდით - ქვევრის ღვინის ტექნოლოგია სახელწოდებით „ საქართველო - ღვინის სამშობლო“ გააცნო.
პროფესორებმა საერთაშორისო დელეგაციას საქართველოს ტექნიკური უნივერსიტეტი, მისია და მიზნები, მიმდინარე სამეცნიერო-კვლევითი მიმართულებები გააცნეს, ხაზი გაუსვეს საგანმანათლბელო სისტემაში ინტერნაციონალიზაციის როლს, და გადასცეს საქართველოს ტექნიკური უნივერისტეტის რექტორის მხარდაჭერა.
ვიზიტის ფარგლებში, შეხვედრები განხორციელდა ბეჟას პოლიტექნიკური უნივერსიტეტის ოთხი სკოლის წარმომადგენლებთან, გაიმართა დისკუსია სამომავლო თანამშრომლობის შესახებაც. მასპინძელი უნივერსიტეტის აგრარულ სკოლაში ქართული დელეგაცია ქართველ სტუდენტებს შეხვდა, რომლებიც მიმდინარე სასწავლო საგაზაფხულო სემესტრს Erasmus+ გაცვლითი პროგრამით გადიან.
პროგრამის დასასრულს, საერთაშორისო კვირეულს ვილა დე ფრადში განთავსებულმა ღვინის მუზეუმმა და ტალჰას ღვინის ქარხანამ უმასპინძლა, რომელიც მე-18-ე საუკუნიდან აერთიანებს ღვინის წარმოებაში თაობათა ტრადიციებსა და ცოდნას ერთიანებს.
საერთაშორისო თანამშრომლობის ახალი შესაძლებლობების გაძლიერების მიზნით, იტალიის, პოლონეთის, ხორვატიის, ბელგიის, მალტის, რუმინეთის, ჩეხეთისა და ჰოლანდიის უნივერსიტეტებმა საქართველოს ტექნიკურ უნივერსიტეტთან თანამშრომლობის სურვილი და მზადყოფნა გამოთქვეს.