04/12/2023
2023 წლის 10 აპრილს ჩატარდა ბიზნესტექნოლოგიების ფაკულტეტის საბჭოს სხდომა, სადაც ფაკულტეტის დეკანმა რუსუდან ქუთათელაძემ წარმოადგინა ინფორმაცია 2022 წელს ფაკულტეტზე ჩატარებული ღონისძიებების შესახებ.
ფაკულტეტის საბჭომ იმსჯელა და მიიღო გადაწყვეტილება საფაკულტეტო სტიპენდიების დანიშვნის შესახებ, აგრეთვე შეიტანეს ცვლილებები სტიპენდიის დანიშვნის წესში.
ფაკულტეტის დეკანმა საბჭოს წევრებს შეახსენა ფაკულტეტის დღისადმი მიძღვნილი ღონისძიებები 21 მაისი - ფაკულტეტის დღე, 23 მაისი - ფაკულტეტის დღისადმი მიძღვნილი წარმოდგენა თეატრში „მოდი ნახე“, 25 მაისი - ტრადიციული , ყოველწლიური საერთაშორისო კონფერენცია „გლობალიზაცია და ბიზნესის თანამედროვე გამოწვევები“ .
ფაკულტეტის დეკანმა მადლობა გადაუხადა პროფესორ მერაბ მიქელაშვილს, მის მიერ განხორციელებული პროექტის „ახალგაზრდა მეწარმეთა ცენტრის“ მიმდინარეობის გამო, სადაც სკოლის მოსწავლეები აქტიურად არიან ჩართული.
დეკანმა დიდი მადლობა გადაუხადა ფაკულტეტის ხარისხის უზრუნველყოფის სამსახურის ხელმძღვანელს ქალ. ნინო ჩიკვილაძეს, აგრეთვე საბაკალავრო საგანმანათლებლო პროგრამის „სასტუმრო მომსახურების“ და სამაგისტრო საგანმანათლებლო პროგრამის „სასტუმროს მომსახურების მართვის“ ხელმძღვანელებს აკრედიტაციის პროცესის მაღალ დონეზე წარმართვისათვის.
რ. ქუთათელაძემ მადლობა გადაუხადა პროექტის „წარმატების გასაღების“ ავტორებს: პროფ. გ.ყურაშვილს, თ. ბერიძეს, მ.ჭელიძეს.
დეკანმა სთხოვა ფაკულტეტის საბჭოს წევრებს რომ მიიღონ მონაწილეობა დაგეგმილ ღონისძიებებში. კერძოდ, 11 აპრილს 12 სთ-ზე შეხვედრაა ქალბატონ მარიამ ლაშხთან, პროექტი “წარმატების საიდუმლო“ და 11 აპრილს 14 სთ-ზე შეხვედრაა სალომე ივანიაძესთან - ვებინარი „რა არის ციფრული მარკეტინგი , როგორ შეიძლება დასაქმდე ციფრული პროოფესიებით“.
