შეხვედრა ცნობილ შემოქმედთან, ბატონ თემურ ბაბლუანთან

საქართველოს ტექნიკური უნივერსიტეტის ბიზნესტექნოლოგიების ფაკულტეტის ადგილობრივი თვთმმართველობის კვლევის ლაბორატორიისა და (ა)იპ-ი უსაფრთხოების სფეროს მკვლევართა ასოციაციის (უსმა/USMA) თანამშრომ­ლობით 2023 წლის 5 აპრილს სტუ-ის ბიბლიოთეკის სააქტო დარბაზში გაიმართა შეხვედრა ცნობილ შემოქმედთან, ბატონ თემურ ბაბლუანთან.

ღონისძიება გაიმართა ა(ა)იპ-ი ,,უსაფრთხოების სფეროს მკვლევართა ასოციაციის“ (უსმა/USMA) პროექტის „კულტურული უსაფრთხოება"-კულტურო­კაპიტალის (კულტურული სიმდიდრე და მისგან განპირობებული ქვეყნის კულტურული იმიჯი) დაცვა და ეფექტური კულტურული ადაპტაცია გლობალიზაციის ეპოქაში" ფარგლებში.

შეხვედრაზე ბატონმა თემურ ბაბლუანმა ისაუბრა ისეთ საკითხებზე, როგორიცაა: ქვეყნის კულტურული სიმდიდრე, საქართველოს ევროკავშირში ინტეგრაცია, კულტურული უსაფრთხოება გლობალიზაციის ეპოქაში და სხვ.

აღსანიშნავია, რომ ბატონმა თემურ ბაბლუანმა სტუ–ს სტუდენტებს გააცნო ევროპაში, კერძოდ საფრანგეთში მოღვაწეობის შედეგად მიღებული საკუთარი გამოცდილებ, მსგავსება და განსხვავებები ქართულ და ფრანგულ კულტურას შორის.

ბატონმა თემურ ბაბლუანმა ასევე ისაუბრა საკუთარ შემოქმედებაზე და სამომავლო გეგმებზე.

ღონისძიებას ესწრებოდნენ სტუ–ს სტუდენტები და პროფესორ–მასწავლებ­ლები. შეხვედრამ დაიმსახურა სტუდენტების დიდი მოწონება. შეხვედრის ბოლოს ბატონმა თემურ ბაბლუანმა უპასუხა სტუდენტების შეკითხვებს და გაიმართა დისკუსია.