სტუდენტის საჯარო ლექცია

21 იანვარს საქართველოს ტექნიკური უნივერსიტეტის ბიზნესტექნოლოგიების ფაკულტეტის სასტუმროს მომსახურების მართვის მაგისტრატურის საგანმანათლებლო პროგრამის მე-2 კურსის სტუდენტმა ლანა რამიშვილმა, რომელიც ტურისტული კომპანია mimino-ს დსთ ქვეყნებიდან შემომყვანი ტურების დეპარტამენტის ხელმძღვანელია, პირველი კურსის სტუდენტებთან ჩაატარა ლექცია თემაზე:

„ტურისტული კომპანიის ფუნქციონირების ძირითადი ასპექტები“.     ლექციის ფარგლებში სტუდენტები გაეცნენ ტურისტული კომპანიის შექმნის იურიდიულ და პრაქტიკულ დეტალებს, საქართველოში არსებული მცირე და საშუალო ზომის ტურისტული კომპანიების მმართველობით სტრუქტურებს. ასევე, ლექციის მსვლელობისას საუბარი შეეხო შემომყვანი ტურისტული კომპანიისათვის საჭირო მოკლევადიანი მარკეტინგული სტრატეგიის შემუშავებასა და განხორციელებას.