19-27 დეკემბრის პერიოდში იტალიის ქ. პალერმოში გამართულ ერასმუს+ საერთაშორისო გაცვლით პროექტში 9 ქვეყნის ახალგაზრდებთან და სტუდენტებთან ერთად ასევე მონაწილეობდა სტუ-ს ბიზნესტექნოლოგიების ფაკულტეტის ბაკალავრიატის მესამე კურსის სტუდენტი თამარ ოთინაშვილი, რომელიც შეირჩა სტუ-ს ბიზნესის და სამართლის ინსტიტუტის და პროაქტივ ჯგუფი ჯორჯიას ურთიერთთანამშრომლობის ფარგლებში.

პროექტის ფარგლებში მონაწილეებს მიეწოდათ ინფორმაცია ევროკავშირის მხარდაჭერილ სხვადასხვა პროექტებზე, ასევე ჩაუტარდათ ტრენინგები ისეთ აქტუალურ თემებზე, როგორიცაა გარემოსდაცვა და მდგრადი განვითარება, მენეჯმენტი, ეფექტური კომუნიკაცია და პრეზენტაციები, მულტიკულტურულ გარემოში გუნდური მუშაობა და სხვა. როგორც თამარი აღნიშნავს, პროექტი სასარგებლო იყო პიროვნული და პროფესიული უნარების დახვეწისთვის, ასევე ახალი საერთაშორისო კავშირების დამყარებისთვის პროექტში მონაწილე პარტნიორ ორგანიზაციებთან და ინსტიტუტებთან.

პროექტი სრულად დაფინანსებული იყო ევროკავშირის ერასმუს+ პროგრამის ფარგლებში. ბიზნესის და სამართლის ინსტიტუტი აქტიურად თანამშრომლობს სხვადასხვა ორგანიზაციებთან და ინსტიტუტებთან, რომლის ფარგლებშიც არაერთ მნიშნელოვან ერთობლივ პროექტს, ღონისძიებას ახორციელებს სტუდენტთა პიროვნული და პროფესიული განვითარებისთვის, ინტერნაციონალიზაციის განვითარების კუთხით, ბიზნესტექნოლოგიების ფაკულტეტის ბიზნესტექნოლოგიების ფაკულტეტი / The Faculty Of Business Technologies