გაცნობებთ, რომ საქართველოს კონკურენციის ეროვნული სააგენტო მომხმარებლის უფლებების დაცვის სფეროში საზოგადოების ცნობიერების ამაღლების მიზნით, 2023 წლის თებერვლის თვეში გეგმავს აკრედიტირებული უმაღლესი სასწავლებლების სტუდენტებთან შეხვედრას, სადაც ღია ლექციის ფორმატში დამსწრე საზოგადოებას გავაცნობთ მომხმარებლის უფლებების დაცვის  შესახებ კანონმდებლობასა და აღსრულების მექანიზმებს.

შეხვედრას დაესწრებიან საქართველოს კონკურენციის ეროვნული სააგენტოს თავმჯდომარე ირაკლი ლექვინაძე ან/და თავმჯდომარის მოადგილე ლევან კალანდაძე და მომხმარებლის უფლებების დაცვის დეპარტამენტის წარმომადგენლები.

შეხვედრების ფარგლებში, სამართლის, ეკონომიკისა და ბიზნესის ადმინისტრირების სტუდენტებისთვის გამოცხადდება კონკურსი, სადაც მონაწილეობას მიიღებენ ბაკალავრიატის დამამთავრებელი, მაგისტრატურის და დოქტორანტურის საფეხურის სტუდენტები. კონკურსის შედეგად შეირჩევა სამი გამარჯვებული, რომლებიც სტაჟირებას გაივლიან საქართველოს კონკურენციის ეროვნული სააგენტოს მომხმარებლის უფლებების დაცვის დეპარტამენტში.

გთხოვთ, მოგვაწოდოთ აღნიშნულ საკითხზე თქვენი ორგანიზაციიდან საკონტაქტო პირის შესახებ ინფორმაცია  (ელექტრონული ფოსტის მისამართი და ტელეფონის ნომერი).

სააგენტოს მხრიდან საკონტაქტო პირია მომხმარებლის უფლებების დაცვის დეპარტამენტის თანამშრომელი ნინი ცაბუტაშვილი (ტელეფონი: 555 38 92 78)

 პატივისცემით,

საქართველოს კონკურენციის ეროვნული სააგენტო