სტუ-ის 100 წლის იუბილეს ფარგლებში ბიზნესტექნოლოგიების ფაკულტეტის / The Faculty Of Business Technologies მხარდაჭერით და ბიზნესის და სამართლის ინსტიტუტთან თანამშრომლობით 9 დეკემბერს გაიმართა საჯარო ტრენინგ-მასტერკლასი: „რა ? სად ? როგორ ? მოვიძიო და ჩავერთო საერთაშორისო პროექტებში, პროგრამებში ?“

ღონისძიების მონაწილეებს მიესალმა ფაკულტეტის დეკანი და მათ წარმატებული სტუდენტური წლები უსურვა.

მომხსენებლები: სტუ-ს საჯარო მმართველობის დოქტორი, ბიზნესის და სამართლის ინსტიტუტის წარმომადგენელი, Erasmus+ ალუმნი გიორგი აგირბაია, რომელსაც 9 წლიანი გამოცდილება აქვს საერთაშორისო პროექტების განხორციელების კუთხით.

ეთო გლურჯიძე, პროექტის კოორდინატორი : Georgian Foundation for Strategic and International Studies (GFSIS), რომელიც სწავლობდა ჩინეთში 1 სემესტრი და 1 წელი ესტონეთის დიპლომატიის სკოლაში სხვადასხვა საერთაშორისო პროგრამებით.

შეხვედრის ფარგლებში მომხსენებლებმა სტუდენტებთან ერთად განიხილეს საერთაშორისო პროგრამების, პროექტების როლი პიროვნული ზრდასა და კარიერული წარმატებისთვის.

ისეთი საკითხები, რომელიც შეეხებოდა სტუდენტობის წლებში დროის მართვას და პრიორიტეტების დასახვას. ასევე გაუზიარეს პირადი გამოცდილება იმ საერთაშორისო პროექტების, პროგრამების შესახებ, რომელიც მათ დაეხმარებათ კარიერულ განვითარებაში სტუდენტობის წლებში.

სტუდენტები ასევე გაეცვნენ ახალგაზრდა ლიდერების საერთაშორისო ქსელების სხვადასხვა პლატფორმებს და ჩართვის შესაძლებლობებს. შეხვედრა ინტერაქტიულ ფორმატში წარიმართა და სტუდენტების დიდი ინტერესი გამოიწვია.

ბიზნესტექნოლოგიების ფაკულტეტი ბიზნესის და სამართლის ინსტიტუტთან თანამშრომლობით 2023 წელსაც აუცილებლად გააგრძელებს მსგავსი ფორმატის შეხვედრებს. #სტუ #სტუ100