2022 წლის 24 ოქტომბრიდან 9 ნოემბრის ჩათვლით ელ-სამეცნიერო ბაზების რესურსების შესახებ სტუდენტების ინფორმირების ამაღლების ხელშეწყობისა და გამოყენების წახალისების მიზნით უნივერსიტეტის დაფინანსებით, ჩატარდა ხუთდღიანი სემინარი „საინფორმაციო ტექნოლოგიები მეცნიერებაში“, რომელიც მოიცავდა შემდეგ საკითხებს:

•             ელექტრონული საინფორმაციო მონაცემთა ბაზები

•             ელექტრონული სამეცნიერო პუბლიკაციების რაობა და სახეები

•             მონაცემთა ბაზაში ინფორმაციის ძიების მეთოდები

•             სამეცნიერო იდენტიფიკატორების სახეები: ციფრული ობიექტის იდენტიფიკატორი (DOI)

•             გამოყენებული ლიტერატურის გაფორმების ელექტრონული მეთოდები (ბიბლიოგრაფიული მენეჯერები)

•             ბიბლიოგრაფიული მონაცემთა ბაზების რაობა და სახეები, ციტირების ინდექსის დათვლისათვის საჭირო პროგრამული უზრუნველყოფები

•             ციტირების ინდექსისა და საერთაშორისო სივრცეში მკვლევარის ცნობადობის გაუმჯობესების მეთოდები და საშუალებები

•             მკვლევარის სამეცნიერო პროფილის (ავტორის იდენტიფიკატორი) სახეები და შექმნა;

•             სამეცნიერო ნაშრომის საქართველოს ან საზღვარგარეთის ჟურნალებში გამოქვეყნებისათვის საჭირო გზები და საშუალებები

აღნიშნულ სემინარს ესწრებოდნენ ბიზნესტექნოლოგიების ფაკულტეტის მაგისტრანტები, დოქტორანტები და აკადემიური და მოწვეული პერსონალი. კურსის გავლის შემდეგ თითოეულ პროფესორს და სტუდენტს გადაეცა სერთიფიკატი.