English |
Русский |
დეპარტამენტები
ძებნა |
საიტის რუკა |
კონტაქტი
საქართველოს ტექნიკური უნივერსიტეტის ბიზნესტექნოლოგიების ფაკულტეტის პროფესორების რუსუდან ქუთათელაძის და ნინო ფაილოძის მივლინების ანგარიში
ბიზნესტექნოლოგიების ფაკულტეტის პროფესორებმა, საქართველოს პროფესიონალ ბუღალტერთა და აუდიტორთა ფედერაციის ასოცირებულმა წევრებმა რუსუდან ქუთათელაძემ და ნინო ფაილოძემ მონაწილეობა მიიღეს 2022 წლის 18-21 ნოემბერს ინდოეთის ქალაქ მუმბაიში გამართულ ბუღალტერთა 21-ე მსოფლიო კონგრესზე (WCOA 2022). საქართველოს დელეგაციაში იყო საქართველოს პროფესიონალ ბუღალტერთა და აუდიტორთა ფედერაციის (ბაფ) ნამდვილი წევრი, ,,ბაფ"-ის გამგეობის თავჯდომარე რუსუდან ჟორჟოლიანი და წევრებთან ურთიერთობის მენეჯერი ნიქაბაძე თამარი.
კონგრესი მიმდინარეობდა 4 დღის განმავლობაში, რომლის ძირითადი თემები იყო: ნდობის განმტკიცება, მდგრადი განვითარების უზრუნველყოფა; ბუღალტერის პროფესიის როლი მდგრადობის უზრუნველყოფაში; გლობალური თანამშრომლობა ინკლუზიური ზრდისთვის; ციფრული ტექნოლოგიების მზარდი მნიშვნელობა; გლობალური ტენდენციები ბუღალტრული აღრიცხვის, აუდიტის, კორპორაციული მმართველობისა და გადასახადების სფეროში; ინოვაციები და სტარტაპები; მომავლის პროფესია; სახელმწიფო ფინანსების მართვის გაძლიერება.
ბუღალტერთა 21-ე მსოფლიო კონგრესს ინდოეთის დიპლომირებულ ბუღალტერთა ინსტიტუტი ICAI მასპინძლობდა Jio World Centre-ში ჰიბრიდულ რეჟიმში.
მსოფლიოში უდიდესმა ლიდერებმა ფინანსების, საჯარო პოლიტიკის, საბუღალტრო და ბიზნესის მართვის სფეროებიდან გაუზიარეს თავიანთი ხედვები დელეგატებს სხვადასხვა თემებზე, კერძოდ: გლობალური პრაქტიკისა და სამომავლო ტენდენციების შესახებ ცოდნა პროფესიის განვითარებასთან დაკავშირებით; როგორ ცვლიან ბუღალტერიისა და ფინანსების პროფესიონალები სამყაროს უკეთესობისკენ; უკეთესი სამუშაო სამყაროსთვის მართვის ახალი პარადიგმა; საუკეთესო პრაქტიკა ტენდენციების შემქმნელებისაგან ხვალინდელი დღის გამოწვევების შესახებ.
კონგრესის მუშაობის პროცესში ხდებოდა შეხვედრები როგორც ადგილობრივ, ისე სხვა ქვეყნების პროფესიული წრეების წარმომადგენლებთან, რაც ხელს უწყობდა პროფესიის მხარდამჭერთა საუკეთესო პრაქტიკის გაფართოებას.
გვქონდა შეხვედრები კონგრესის მასპინძელი ორგანიზაციის - ICAI (ინდოეთის დიპლომირებული ბუღალტერთა ინსტიტუტი) საბჭოს წევრებთან და პრეზიდენტთან ბატონ დებაშის მიტრასთან, სადაც IFAC-ის წევრი ორი ორგანიზაციის ბაფსა და ICAI-ს შორის თანამშრომლობის შემდგომ განვითარების პერსპექტივებზე იყო საუბარი.
21-ე მსოფლიო კონგრესზე ანგარიშით წარსდგა IFAC-ის ყოფილი პრეზიდენტი ბატონი ალან ჯონსონი. დასახელდა IFAC-ის ახალი პრეზიდენტი ქალბატონი ასმაა რესმოუკი, რომელიც მიესალმა კონგრესის მონაწილე დელეგატებს.
კონგრესში მონაწილეობა, ეს იყო უნიკალურ გამოცდილება ყველა დელეგატისათვის, რომელთაც მიეცათ შესაძლებლობა დაკავშირებოდნენ პროფესიონალებს მთელი მსოფლიოდან და განეხილათ პროფესიის აქტუალური საკითხები.