ბიზნესტექნოლოგიების ფაკულტეტის ასოცირებული პროფესორის ნათია შენგელიას მივლინება

ბიზნესტექნოლოგიების ფაკულტეტის ასოცირებული პროფესორი ნათია შენგელია, საქართველოს ტექნიკური უნივერსიტეტიდან, Erasmus+ Credit Mobility საერთაშორისო მობილობის პროექტის 2022-წლის 19 სექტემბრის კონკურსის შედეგად, მიწვეულ იქნა ლუბლინის ტექნოლოგიურ უნივერსიტეტში (Lublin University of Technology-LUT) (პოლონეთი) საერთაშორისო აკადემიურ კვირეულში მონაწილეობის მისაღებად 2022/2023 სასწავლო წლის საშემოდგომო სემესტრში (17.10.2022-21.10.2022).

საერთაშორისო კვირეულის ფარგლებში ნათია შენგელიამ წარმოადგინა პრეზენტაცია საქართველოს ტექნიკური უნივერსიტეტის, 100 წლის იუბილეს ღონისძიებებთან დაკავშირებით, ასევე მისი სამეცნიერო მიღწევების, ბიზნესის სფეროში საერთაშორისო და ინოვაციური კვლევების შესახებ.   

გარდა ამისა, ნათია შენგელია შეხვდა ლუბლინის ტექნოლოგიური უნივერსიტეტის რექტორატის, ასევე მენეჯმენტის ფაკულტეტის წარმომადგენლებს და დაიგეგმა ერთობლივი სამეცნიერო ღონისძიებების განხორციელება. ნათია შენგელიამ ჩაატარა ასევე ლექცია და მონაწილეობა მიიღო სხვადასხვა დაგეგმილ საერთაშორისო ვორკშოპებში.

აღნიშნული Erasmus+ პროექტის ფარგლებში გაზიარებული იქნა პოლონეთის, იტალიის და სხვა უნივერსიტეტებში არსებული პრაქტიკა და გამოცდილება სწავლების მეთოდების, საგანმანათლებლო თამაშების (Edu Games) ინტეგრირების და სხვა სიახლეების შესახებ.