English |
Русский |
დეპარტამენტები
ძებნა |
საიტის რუკა |
კონტაქტი
მოგეხსენებათ, რომ მსოფლიო ბანკის მხარდაჭერით, „ინოვაციის, ინკლუზიურობის და ხარისხის პროექტის - საქართველო I2Q“ (შემდგომ - I2Q პროექტი) ფარგლებში უმაღლესი საგანმანათლებლო დაწესებულებების კონკურენტუნარიანი ინიციატივების საგრანტო დაფინანსებისათვის კონკურენტული ინოვაციის ფონდი (CIF) შეიქმნა. CIF-ის მიზანია უმაღლესი საგანმანათლებლო დაწესებულებების ხელშეწყობა აკადემიური და სასწავლო გარემოს გაუმჯობესებაზე ორიენტირებული ინოვაციური პროექტების განხორციელებაში.
გაცნობებთ, რომ პირველი საგრანტო კონკურსი გამოცხადდება 2022 წლის ნოემბრის ბოლოს. საგრანტო კონკურსის ფარგლებში შედგება რამდენიმე საინფორმაციო-საკონსულტაციო შინაარსის შეხვედრა. ერთ-ერთი მათგანი დაგეგმილია 2022 წლის 30 ნოემბერს, სადაც დაინტერესებულ პირებს შესაძლებლობა ექნებათ, დეტალურად გაეცნონ საგრანტო კონკურსში მონაწილეობის მისაღებად საჭირო პროცედურებს, შესავსებ დოკუმენტაციასა და სხვა მნიშვნელოვან საკითხებს. ასევე, CIF-ის გუნდის წარმომადგენლები უპასუხებენ კონკურსში მონაწილეობასთან დაკავშირებით დასმულ შეკითხვებს.
2022 წლის 30 ნოემბერს 14:00 - 17:00 სთ. ზემოთ აღნიშნული საინფორმაციო-საკონსულტაციო ხასიათის შეხვედრა შედგება ელექტრონული საკომუნიკაციო საშუალება - “Microsoft Teams”-ის მეშვეობით, რაც საშუალებას მოგვცემს, რაც შეიძლება მეტი დაინტერესებული პირი დაესწროს შეხვედრას.
გთხოვთ, აღნიშნული ინფორმაცია გაავრცელოთ თქვენი დაწესებულების შესაბამის ერთეულებში.
შეხვედრაზე დასწრების მსურველებს რეგისტრაციის გავლა 2022 წლის 29 ნოემბრის 12:00 საათამდე შეუძლიათ შემდეგ ბმულზე: https://forms.office.com/r/uYEead7mgm. დარეგისტრირებულ პირებს გაეგზავნებათ შეხვედრის ბმული, რომლის მეშვეობითაც შეძლებენ შეხვედრაზე დასწრებას.
დამატებითი შეკითხვები შეგიძლიათ გამოაგზავნოთ შემდეგ ელ.ფოსტაზე: cif@iiq.gov.ge.
გისურვებთ წარმატებებს !