სტუ ბიზნესტექნოლოგიების ფაკულტეტის პროფესორების მონაწილეობა საერთაშორისო კონფერენციაში (თურქეთი, სტამბოლი)

2022 წლის 21-22 ოქტომბერს თურქეთში, ქ. სტამბოლში ფენერბაჰჩეს უნივერსიტეტის ორგანიზებით ჩატარდა სოციალური მეცნიერებების, ჰუმანიტარული მეცნიერებებისა და განათლების მეორე საერთაშორისო კონფერენცია.

კონფერენციის მუშაობაში მონაწილეობა მიიღეს სტუ ბიზნესტექნოლოგიების ფაკულტეტის პროფესორებმა გუგული ყურაშვილმა და მედეა ჭელიძემ (მოხსენება „უცხოური ინვესტიციების მნიშვნელობა საქართველოს ეკონომიკის განვითარებაში“), ასოცირებულმა პროფესორებმა ნატალია ჭანტურიამ და ბელა გოდერძიშვილმა, დოქტორანტმა გოგა გელიტაშვილმა (მოხსენება „საქართველოს ახალგაზრდობის სამეწარმეო პოტენციალის ფორმირების განმსაზღვრელი პარადიგმები“).

კონფერენციას ესწრებოდნენ მსოფლიოს სხვადასხვა ქვეყნის უნივერსიტეტების პროფესორ-მასწავლებლები, მეცნიერები და პრაქტიკოსები. მონაწილეებს შორის გაიმართა საინტერესო დისკუსიები, გამოიკვეთა სამომავლო აქტივობებში ერთობლივი მონაწილეობის და თანამშრომლობის გაღრმავების მიმართულებები.

კონფერენციის მონაწილეებს გადაეცათ სერტიფიკატები. უახლოეს პერიოდში დაგეგმილია კონფერენციის შრომების კრებულის გამოცემა.