2022 წლის 5 ნოემბერს უსაფრთხოების სფეროს მკვლევართა ასოციაციის (უსმა/USMA) და ტექნიკური უნივერსიტეტის ადგილობრივი თვითმმართველობის კვლევის ლაბორატორიის ორგანიზებით გაიმართა სამეცნიერო კონფერენცია ,,უსაფრთხოების სამართლებრივი ასპექტები", რომელიც მიეძღვნა ტექნიკური უნივერსიტეტის 100 წლისთავს.

კონფერენცია გახსნა საქართველოს ტექნიკური უნივერსიტეტის პროფესორმა, ასოციაციის სამეცნიერო საბჭოს თავმჯდომარემ, ადგილობრივი თვითმმართველობის ლაბორატორიის ხელმძღვანელმა შოთა დოღონაძემ.

გაიმართა ასოციაციის პრეზიდენტის, მეცნიერებათა დოქტორის ბესიკ ობოლაძის წიგნის პრეზენტაცია. სიტყვით გამოვიდნენ კონფერენციის მონაწილენი. კონფერენციაში მონაწილეობა მიიღო საქართველოს ტექნიკური უნივერსიტეტის ბიზნესტექნოლოგიების ფაკულტეტის დეკანმა პროფესორმა რუსუდან ქუთათელაძე..

კონფერენციას მისასალმებელი სიტყვით მიმართა საქართველოს მწერალთა კავშირის თავმჯდომარემ, შოთა რუსთაველის პრემიის ლაურეატმა მაყვალა გონაშვილმა.

ღონისძიება გაიმართა ა(ა)იპ-ი ,,უსაფრთხოების სფეროს მკვლევართა ასოციაციის“ (უსმა/USMA) პროექტის -„მეცნიერება მდგრადი განვითარებისა და უსაფრთხოებისთვის“, ფარგლებში.

კონფერენციაზე ასოციაციის საპატიო პრიზები და სიგელები გადაეცათ ავტორებს უსაფრთხოების სფეროში დოკუმენტურ პროზაში შეტანილი წვლილისათვის.