10/31/2022
ჩატარდა მე-16 საერთაშორისო სამეცნიერო კონფერენცია
საქართველოს ტექნიკური უნივერსიტეტის ბიზნესტექნოლოგიების ფაკულტეტის ინიციატივითა და ორგანიზებით, ღია დიპლომატიის ასოციაციისა და სამეცნიერო ჟურნალის „ხელისუფლება და საზოგადოება (ისტორია, თეორია პრაქტიკა) თანამონაწილეობით გაიმართა რიგით მე-16 საერთაშორისო კონფერენცია ,,ხელისუფლება და საზოგადოება“, რომელიც საქართველოს ტექნიკური უნივერსიტეტის 100 წლის იუბილეს მიეძღვნა.
კონფერენცია ჰიბრიდულ რეჟიმში ჩატარდა. მის მუშაობაში ქართველ მეცნიერებთან, უნივერსიტეტის სტუდენტებთან ერთად მონაწილეობა მიიღეს უცხოელმა მეცნიერებებმაც.
მისასალმებელი სიტყვები წარმოთქვეს სტუ-ის რექტორის მოადგილემ პროფესორმა ზურაბ გასიტაშვილმა, გერმანიის ზაარლანდის ტექნიკისა და ეკონომიკის უნივერსიტეტის პროფესორმა და ასევე საქართველოს ტექნიკური უნივერსიტეტის საპატიო დოქტორმა და მოწვეულმა პროფესორმა ვილჰელმ ჰაუზერმა და ზაარლანდის ტექნიკისა და ეკონომიკის უნივერსიტეტის პროფესორმა შტეფან ჰუტერმა. მათ ბიზნესტექნოლოგიების ფაკულტეტს ნაყოფიერი თანამშრომლობისთვის მადლობა გადაუხადეს და მომავალ საქმიანობაში წარმატება უსურვეს.
მრავალფეროვანი იყო კონფერენციის თემატიკა. მონაწილეებმა განიხილეს პრობლემები შემდეგ სფეროებში: საჯარო მმართველობა, ეკონომიკა, ბიზნესი, სამართალი, სახელმწიფო და რელიგია, კულტურა, ისტორია, ფილოსოფია, ფსიქოლოგია, პედაგოგიკა და სხვა.
