English |
Русский |
დეპარტამენტები
ძებნა |
საიტის რუკა |
კონტაქტი
ჩატარდა საერთაშორისო სიმპოზიუმი
2022 წლის 20 ივლისს, საქართველოს შავი ზღვის საერთაშორისო უნივერსიტეტის სამართლის ფაკულტეტის, საქართველოს ტექნიკური უნივერსიტეტის ბიზნესტექნოლოგიების ფაკულტეტის თანაორგანიზებითა და ზაარლანდის აუდიტორული კომპანია “MHP”-ს თანადგომით ჩატარდა საერთაშორისო სიმპოზიუმი.
„ეკონომიკური დანაშაული ევროკავშირსა და საქართველოში“
სიმპოზიუმი გახსნეს აღნიშნული ფაკულტეტების დეკანებმა ქეთევან ქოქრაშვილმა, რუსუდან ქუთათელაძემ და ზაარლანდის აუდიტორული კომპანია “MHP”-ის ხელმძღვანელმა, სენატორმა მიჰაილ ჰარცმა.
შავი ზღვის საერთაშორისო უნივერსიტეტის და საქართველოს ტექნიკური უნივერსიტეტის აკადემიურ პერსონალთან ერთად მონაწილეობა მიიღეს გერმანელმა სტუმრებმა, დოქტორმა ვილჰემ ჰაუზერმა - ზაარლანდის ეკონომიკისა და ტექნოლოგიების უნივერსიტეტის პროფესორმა, ზაარლანდის აუდიტორული კომპანია “MHP”-ის ხელმძღვანელმა და სენატორმა მიჰაილ ჰარცმა.
საერთაშორისო სიმპოზიუმის მონაწილე სხვა საინტერესო მომხსენებლებს შორის იყვნენ რამაზ ოთინაშვილი - ეკონომიკის დოქტორი, საქართველოს ტექნიკური უნივერსიტეტის ბიზნესტექნოლოგიების ფაკულტეტის პროფესორი, მოხსენებით - „ეკონომიკური დანაშაულის რისკები ბიზნესში“ და ლაშა ცომაია - საჯარო მმართველობის დოქტორი, საქართველოს ფინანსთა სამინისტროს საგამოძიებო სამსახურის საგამოძიებო დეპარტამენტის უფროსის მოადგილე, თემით - „ეკონომიკური დანაშაულის გამოძიების მნიშვნელოვანი ასპექტები“.
სიმპოზიუმი დასრულდა ნაყოფიერი დისკუსიით.