10/17/2022
ინფორმაცია ERASMUS+ გაცვლითი პროგრამის შესახებ ტიმიშოარის პოლიტექნიკურ უნივერსიტეტში, 2022/23 სასწავლო წლის საგაზაფხულო სემესტრისათვის
https://gtu.ge/Suss/News/?ELEMENT_ID=20654
ტიმიშოარის პოლიტექნიკური უნივერსიტეტი
(Università Politecnica di Timișoara - UPT) (ტიმიშოარა, რუმინეთი) ERASMUS+ გაცვლითი პროგრამის KA107 პროექტის ფარგლებში აცხადებს კონკურსს 2022-2023 აკადემიური წლის საგაზაფხულო სემესტრისთვის (II სემესტრი).
შერჩევის პროცედურა
ბაკალავრიატის, მაგისტრატურისა და დოქტორანტურის სტუდენტებისთვის:
საბუთების მიღების ბოლო ვადა: 31.10.2022.
ტესტირება უცხოურ ენაში ჩატარდება 2022 წლის 10 ნოემბრამდე.
გასაუბრება საკონკურსო კომისიასთან ჩატარდება 2022 წლის 20 ნოემბრამდე.
საინფორმაციო გზამკვლევი და დამატებითი ინფორმაცია ტიმიშოარის პოლიტექნიკურ უნივერსიტეტში Erasmus+ მობილობასთან დაკავშირებით იხილეთ
აქ.
სტუდენტს მოეთხოვება მინიმუმ 30 ECTS კრედიტის დაგროვება ერთი სემესტრის განმავლობაში.
ერთნაირი მონაცემების არსებობის შემთხვევაში, უპირატესობა მიენიჭებათ კონკურსანტებს, რომლებსაც მანამდე არ მიუღიათ გრანტები ევროკავშირის მიერ დაფინანსებული ერაზმუს+ მობილობის პროგრამების ფარგლებში. ასევე, უპირატესობა მიენიჭება სოციალურად დაუცველს ან შეზღუდული შესაძლებლობების მქონე პირს.
(უნივერსიტეტებს შორის გაფორმებული ინტერინსტიტუციონალური ხელშეკრულებით განსაზღვრულია ბაკალავრიატის, მაგისტრატურის ან დოქტორანტურის საფეხურის 3 სტუდენტის მობილობა საქართველოს ტექნიკური უნივერსიტეტიდან ტიმიშოარის პოლიტექნიკურ უნივერსიტეტში. მობილობა განსაზღვრულია 93 დღით, 2023 წლის გაზაფხულზე. პრიორიტეტულია შემდეგი საგანმანათლებლო კურსები: ბიზნესი და ადმინისტრირება (დოქტორანტურა), გეოდეზია (დოქტორანტურა), ინფო-საკომუნიკაციო ტექნოლოგიები (ბაკალავრიატი და მაგისტრატურა), ქიმიური ინჟინერია (ბაკალავრიატი და მაგისტრატურა), მექანიკა და ლითონის დამუშავება (დოქტორანტურა), მშენებლობა (ბაკალავრიატი და მაგისტრატურა).
ადმინისტრაციული პერსონალისთვის
საბუთების მიღების ბოლო ვადა: 5.11.2022.
გასაუბრება საკონკურსო კომისიასთან ჩატარდება 2022 წლის 16 ნოემბრამდე.
საინფორმაციო გზამკვლევი და დამატებითი ინფორმაცია ტიმიშოარის პოლიტექნიკურ უნივერსიტეტში Erasmus+ მობილობასთან დაკავშირებით იხილეთ
აქ.
ადმინისტრაციული პერსონალის მობილობა განხორციელდება ტიმიშოარის პოლიტექნიკურ უნივერსიტეტში ნომინირების შემდგომ, გაზაფხულის სემესტრის განმავლობაში, კოორდინატორი უნივერსიტეტის მიერ დაგეგმილ საერთაშორისო კვირეულში (უნივერსიტეტებს შორის გაფორმებული ინტერინსტიტუციონალური ხელშეკრულებით განსაზღვრულია 2 ადმინისტრაციული თანამშრომლის მობილობა საქართველოს ტექნიკური უნივერსიტეტიდან ტიმიშოარის პოლიტექნიკურ უნივერსიტეტში. საერთაშორისო კვირეულში მონაწილეობა შეუძლიათ საერთაშორისო ურთიერთობების დეპარტამენტის წარმომადგენლებს, რომელთა საქმიანობა უშუალოდ უკავშირდება უნივერსიტეტში სტუდენტებისა და თანამშრომელთა Erasmus+ მობილობის განხორციელებასთან დაკავშირებულ აქტივობებს. ტიმიშოარის პოლიტექნიკურ უნივერსიტეტში დაგეგმილ Erasmus+ საერთაშორისო კვირეულში მონაწილეობის მისაღებად სტუ-ს საერთაშორისო ურთიერთობების დეპარტამენტის წარმომადგენლებისთვის აუცილებელია
ონლაინრეგისტრაციის გავლა).
პატივისცემით,
--
საერთაშორისო ურთიერთობების დეპარტამენტი
საქართველოს ტექნიკური უნივერსიტეტი
ტელ/ფაქსი: (+995 32) 237 54 34
https://gtu.ge/Suss/
www.gtu.ge
International Relations Department
Georgian Technical University
Tel / Fax: (+995 32) 237 54 34
https://gtu.ge/Suss/
www.gtu.ge