English |
Русский |
დეპარტამენტები
ძებნა |
საიტის რუკა |
კონტაქტი
სამეცნიერო სპარინგი: “ევროპის გზაჯვარედინი”
2022 წლის 21 ივლისს სტუ ბიზნესტექნოლოგიების ფაკულტეტის საჯარო მმართველობის პრობლემათა კვლევების ინსტიტუტის (RIPA) ორგანიზებითა და სასწავლო-კვლევითი სამეცნიერო ცენტრის პარტნიორობით, ბეთანიაში (ღია სივრცეში) გაიმართა სამეცნიერო სპარინგი დოქტორანტებისთვის - „ევროპის გზაჯვარედინი“.
მონაწილეობდნენ: საქართველოს ტექნიკური უნივერსიტეტის საჯარო მმართველობის, თბილისის ივანე ჯავახიშვილის სახელობის უნივერსიტეტისა და საქართველოს რეგიონული სახელმწიფო უნივერსიტეტების (თელავი, ბათუმი) საბუნებისმეტყველო მიმართულების „დოქტორანტთა ქსელის“ მონაწილე სტუდენტები.
სამეცნიერო სპარინგის მოდერატორი - პროფესორი მარიამ ცაცანაშვილი, სტუ ბიზნესტექნოლოგიების ფაკულტეტის საჯარო მმართველობის პრობლემათა კვლევების ინსტიტუტის დირექტორი.
საქართველოს დოქტორანტების სპარინგ-პარტნიორები იყვნენ პროფესორი ვილი ჰაუზერი (გერმანია საარის უნივერსიტეტი); დოქტორი მიხაელ ჰარცი - MHP ანალიტიკური ოფისის დამფუძნებელი და მმართველი დირექტორი.
სამუშაო ება: ქართულ-გერმანული.
სპარინგის მონაწილეებმა მოისმინეს ვილი ჰაუზერის მასტერკლასი გაყიდვებში ლოჯისტიკური სერვისის ასპექტების მნიშვნელობის შესახებ, გაეცვნენ მიწოდების ჯაჭვის მენეჯმენტს, მომხმარებელთა კმაყოფილების ზრდის საშუალებებს და მათი ოპტიმიზაციის შესაძლებლობებს. თანამედროვე ეტაპზე მხოლოდ ის კომპანიები ღებულობენ უპირატესობას კონკურენტულ და გაჯერებულ ბაზრებზე, რომლებიც მომხმარებლებს სთავაზობენ გამორჩეულ ლოჯისტიკურ სერვისს. სტუდენტებმა სპარინგ-პარტნიორთან ერთად ივარჯიშეს სხვადასხვა სისტემებში და სხვადასხვა კონტექსტში მიღებული ინფორმაციის შემოქმედებითად გამოყენების მაგალითების იმიტაციაზე.
მიხაელ ჰარცმა იდეების გაცვლის, ცნობისმოყვარეობის, გუნდური მუშაობის გარემოში სამეცნიერო ცოდნისა და მისი პრაქტიკაში გამოყენების პირადი მაგალითები გააცნო სტუდენტებს და წარმატებული საქმიანობის გამოცდილება გაუზიარა მათ.
ღონისძიების დასასრულს სპარინგ-პარტნიორებმა „ევროპის გზაჯვარედინზე“ სამეზობლო პოლიტიკის მუდმივი განვითარების აღსანიშნავად სიმბოლურად ფიჭვის ნერგი დარგეს.