English |
Русский |
დეპარტამენტები
ძებნა |
საიტის რუკა |
კონტაქტი
ბიზნესტექნოლოგიების ფაკულტეტის ასოცირებული პროფესორის ნათია შენგელიას მივლინება
ბიზნესტექნოლოგიების ფაკულტეტის ასოცირებული პროფესორი ნათია შენგელია, საქართველოს ტექნიკური უნივერსიტეტიდან, Erasmus+ Credit Mobility საერთაშორისო მობილობის პროექტის 2022-წლის 6 მაისის კონკურსის შედეგად, მიწვეულ იქნა სტამბოლის ბილგის უნივერსიტეტში (Istanbul Bilgi University (თურქეთი)) 2021/2022 სასწავლო წლის საგაზაფხულო სემესტრში (13.06.2022-17.06.2022) აკადემიური საქმიანობის განსახორციელებლად.
პროექტის ფარგლებში ნათია შენგელიამ ბილგის უნივერსიტეტის ბიზნესის ფაკულტეტზე წაიკითხა ლექციები „ფინანსური ანგარიშგებისა და ანალიზის, ფინანსური მენეჯმენტის, აუდიტისა და გადასახადების“ აქტუალურ საკითხებზე, ციფრულიზაციის ზეგავლენაზე.
ბილგის უნივერსიტეტის ბიზნესის ფაკულტეტის პროფესორებთან ერთად დაიგეგმა მომავალ სემესტრში ერთობლივი ონლაინ ვორკშოფის ჩატარება ორივე უნივერსიტეტის სტუდენტებისთვის, ასევე ერთობლივ სამეცნიერო პუბლიკაციებზე, გრანტებზე მუშაობა.
გარდა ამისა აღნიშნული Erasmus+ პროექტის ფარგლებში გაზიარებული იქნა ბილგის უნივერსიტეტში არსებული საუკეთესო პრაქტიკა და გამოცდილება ადგილობრივი და საერთაშორისო ონლაინ პროგრამების მომზადების შესახებ, მათ შორის ერთ-ერთ ამერიკულ უნივერსიტეტთან პარტნიორობით.