06/29/2022


Erasmus+ მოკლევადიან გაცვლითი პროგრამის ფარგლებში, 5-13 ივნისს,  ვიმყოფებოდი ესპანეთის ქ. მოლინაში, სადაც წარმოდგენილი იყო 8 ქვეყანა: უკრაინა,  პოლონეთი, საქართველო, თურქეთი, ლატვია, დანია, ესპანეთი და სასომხეთი. პროექტის ფარგლებში შემოგვთავაზეს ბევრი საინტერესო საგანმანათლებლო აქტივობა. დავიყავით ოთხ ჯგუფად: Huhsogton, Poagbill, Advudbig, Gelheim. ჩვენს შორის იმართებოდა საინტერესო კონკურსები და გამარჯვებული გუნდი ღებულობდა სიმბოლურ ჯილდოებს. ორგანიზატორები გვიქმნიდნენ მუდმივ ბარიერებს, რისი გადალახვაც  დაგვეხმარება ცხოვრებისეული სირთულეების დაძლევაში. ჩემი გუნდი „Gelheim“ ხშირად იმარჯვებდა. ასევე გავდიოდით ბუნებაში და მონაწილეობას ვიღებდით შემეცნებით ინტერაქტივებში.

ერთ დღეს თითოეულმა ქვეყანამ წარმოადგინა პრეზენტაცია თავის სამშობლოზე და მის კულტურაზე. მე წარვადგინე ჩემი ქვეყანა და მშობლიური უნივესტიტეტი, როგორც დიდი ტრადიციების მქონე სასწავლებელი.

ბოლო დღეს დაგვათვალიერებინეს ქ. მალაგას ღირსშესანიშნეობები. მე ბევრი რამ შევიძინე აღნიშნული გაცვლითი პროგრამით. მეძლევა რა შესაძლებლობა, მინდა მადლობა გადავუხადო მშობლიურ ფაკულტეტს და მის ხელმძღვანელობას აღნიშნულ პროექტში მონაწილეობის  შესაძლებლობის.