English |
Русский |
დეპარტამენტები
ძებნა |
საიტის რუკა |
კონტაქტი
მსოფლიო ბანკისა და ევროკავშირის მხარდაჭერით ხორციელდება პროექტი - „ეროვნული საგანმანათლებლო ინიციატივები ბუღალტრული აღრიცხვისა და აუდიტის სფეროში/ უმაღლესი და პროფესიული განათლების ინტეგრაცია“, რომელიც მიზნად ისახავს უმაღლესი საგანმანათლებლო დაწესებულებების პროგრამებში არსებული ბუღალტრული აღრიცხვისა და აუდიტის სფეროს სასწავლო კურსების სილაბუსების, სასწავლო ლიტერატურისა და საგამოცდო პროცესის დაახლოებას/ინტეგრირებას პროფესიულ ორგანიზაციების (ბაფი, ACCA,) სტანდარტებთან, მათი ჩათვლისა და აღიარების მოსაპოვებლად.
2022 წლის 22 ივლისს გაიმართა შეხვედრა, რომელსაც ესწრებოდნენ მსოფლიო ბანკის კონსულტანტი ნატალია კონვალენკო, პროფესიული ორგანიზაციების (ბაფი, ACCA,) და ბუღალტრული აღირცხვის, ანგარიშგებისა და აუდიტის ზედამხევდელობის სამსახურის აუდიტისა და პროფესიული განათლების დეპარტამენტის წარმომადგენლები. ასევე შვიდი წამყვანი უმაღლესი სასწავლო დაწესებულების წარმომადგენლები.
შეხვედრაზე გაფორმდა მემორანდუმები საქართველოს პროფესიონალ
ბუღალტერთა და აუდიტორთა ფედერაციასა და უმაღლესი სასწავლო დაწესებულებების წარმომადგენლებს შორის ,რომლის ფარგლებშიც უნივერსიტეტებს გადაეცათ SARAS - ის მიერ რეკომენდირებული სასწავლო მასალა.
საქართველოს ტექნიკური უნივერსიტეტის მხრიდან აღნიშნულ შეხვედრაში მონაწილეობას იღებდა ბიზნესტექნოლოგიების ფაკულტეტის დეკანი, ქალბატონი რუსუდან ქუთათელაძე და ამავე ფაკულტეტის ასოცირებული პროფესორი ხათუნა ხარხელაური.
უნდა აღინიშნოს, რომ SARAS - ის მიერ რეკომენდირებული სასწავლო მასალაის მიხედვით სწავლა-სწავლების ტრენინგები უტარდებათ ბუღალტრული აღტიცხვის, ანალიზისა და აუდიტის დეპარტამენტის აკადემიურ პერსონალს, რომლებსაც გადაეცემათ შესაბამისი სერთიფიკატები და სასწავლო მასალა.